EPHESOS 4:2 - Khasi CL Bible (BSI)

² To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

KA BAIBL

² da ka jingsngewrit bad da ka jingjemnud baroh, da ka jingïaishah-slem, da kaba ïaishah paralok hi ha ka jingïa-ieit;

EPHESOS 4:2 ပူးပေါင်းရင်းမြစ်များ

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 45:4

To ïaid ha ka jinglong syiem sha ka jingjop na ka bynta ka jingïada ïa ka jingshisha bad ka hok! Ka jingkhlaiñ jong me kan wallam ïa me ki jingjop bakhraw!

PROBERB 16:19

Ka kham bha ban long uba sngewrit bad sah duk ban ïa kaba long uba meng bad ïoh bynta na ka jinglute jong ki.

PROBERB 3:34

Um donkam ïa kiba sarong, hynrei u lehsbun ïa kito kiba sngewrit.

EKLESIASTIS 7:8

Kaba kut jong kaei kaei ka kham bha ban ïa ka jingsdang jong ka. Ka jingïaishah ka kham bha ban ïa ka jingsarong.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

MARKOS 9:19

U Jisu u la ong ïa ki, “Haduh katno phi long ki briew ki bymngeit! Haduh katno ngan don bad phi? Haduh katno ngan ïaishah bad phi? Wallam ïa u khynnah ha nga!”

KI KAM 20:19

Da ka jingsngewrit baroh bad shibun ki ummat nga la trei ïa ka kam jong nga kum u shakri jong U Trai ha ki por kiba eh kiba la wan ha nga namar ki jingïasylla jong ki katto katne ngut ki Jiw.

Ka Shithi U Paul Sha Ki Nong Rom 15:1

Ma ngi kiba long kiba khlaiñ ha ka jingngeit, ngi dei ban ïarap ïa kiba tlot ba kin bah ïa ki jingkit jong ki. Ngim dei ban pynsngewbha ïa lade.

1 KORINTH 13:7

Ka jingieit kam sangeh noh shiteng; bad ka jingngeit, ka jingkyrmen bad ka jingïaishah jong ka kim duh noh.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

KOLOSSAI 1:11

Ai ba yn pynkhlaiñ ïa phi da ka jingkhlaiñ baroh kaba wan na ka bor badonburom jong u, khnang ba phi lah ban shah ïa kiei kiei baroh da ka jingïaishah. Bad da ka jingkmen to ainguh ïa U Kpa, uba la pynlong ïa phi kiba bit ban ïoh ïa la ka bynta na kaei kaba U Blei u la tyngkai na ka bynta ki briew jong u ha ka hima ka jingshai.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 2:25

Me dei ban long uba lehsbun ïa baroh, u nonghikai uba bha bad ba-ïaishah, uba jemnud ha kaba pynbeit ïa ki nongïaleh pyrshah jong me, naba ka lah ban long ba U Blei un ai ha ki ïa ka lad ba kin kylla-kaba-mut bad wan sha ka jingtip ïa ka jingshisha.

JAKOB 1:21

Kumta to kiar noh na ki jingmlien bajakhlia baroh bad na ki jinglong bymman baroh. To pyndem ha U Blei bad pdiang ïa ka ktien kaba u la thung ha ki dohnud jong phi, kaba lah ban pynim ïa phi.

1 PETROS 3:15

Hynrei to tiengburom ïa U Khrist ha ki dohnud jong phi, bad pyndonburom ïa u kum U Trai. To long kiba la kloi ha ki por baroh ban ai ka jubab ïa uno uno uba kylli ïa phi ban batai ïa ka jingkyrmen kaba don ha phi,

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.