EPHESOS 4:18 - Khasi CL Bible (BSI)

¹⁸ Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

KA BAIBL

¹⁸ ba la pyndum ïa ki ha ka jingshemphang jong ki, ba la pynlong khun sohsyiem na ka jingim ka jong U Blei namar kata ka jingbymtip kaba ha ki, namar ka jingpyneh ka dohnud jong ki:

EPHESOS 4:18 ပူးပေါင်းရင်းမြစ်များ

SALM 74:20

To kynmaw ïa ka jutang kaba me la pynlong bad ngi. Don ka jingleh jubor ha kawei pa kawei ka dong kaba dum jong ka ri.

ISAÏAH 25:7

Hangne un sa weng kynsan ïa u lyoh jong ka jingsngewsih uba ju tap halor ki jaitbynriew baroh.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

MATHAÏOS 13:15

namar ki jingpyrkhat jong ki, ki la bthi, bad ki la set ïa ki shkor jong ki bad ki la khapbrip la ki khmat. Lymda kumta, ki khmat jong ki, kin jin da la ïohi, ki shkor jong ki kin jin da la ïohsngew ki jingmut jingpyrkhat jong ki kin jin da la shemphang, bad kin jin da la wan phai pat sha nga,’ ong U Blei, ‘bad ngan pynkhiah ïa ki.’

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

ÏOANNIS 12:40

“U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

KI KAM 3:17

“Bad mynta, ko hynmen ko para jong nga, nga tip ba kaei kaba ma phi bad ki nongïalam jong phi, phi la leh ïa U Jisu ka long namar ka jingbymtip jong phi.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 11:7

Kaei pat te ngin ïa-ong? Ki paid Israel kim shym la shem ïa kaei kaba ki ïawad. Ka la long tang ka kynhun kaba rit kaba U Blei u la jied, kaba la shem ïa kata; kiba sah na kita ki la set kyllut ïa ka jingkhot jong U Blei.

Ka Shithi U Paul Sha Ki Nong Rom 2:19

phi thikna ba phi long u nongïalam ïa uba matlah, ka jingshai ïa kito kiba ha ka jingdum,

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

1 KORINTH 2:8

Ym don uwei ruh na ki nongsynshar jong kane ka pyrthei, uba la tip ïa kane ka jingstad. Lada ki la tip ïa ka, kin ym da la sahnarphna ïa U Trai ka burom.

2 KORINTH 3:14

Ki jingmut jong ki, da shisha, ki long kiba la set khop; bad haduh kane ka sngi ki jingmut jong ki, ki dang long kiba la tap da kata kajuh ka jingkah haba ki pule ïa ki kitab jong ka jutang barim. Ïa kata ka jingkah, la weng noh tang haba u briew u la pynïasoh ïa lade ha U Khrist.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

GALATIA 4:8

Ha ka por ba la leit phim shym la ithuh ïa U Blei, kumta phi long ki mraw jong ki jingthaw ki bym dei ki blei.

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

1 THESSALONI 4:5

ym ha ka jingkwah brai thala, kum kiba mane blei thala ki bymtip ïa U Blei.

HEBRU 5:2

Namar u hi u long uba tlot ha kiba bun rukom, u lah ban long uba jemnud bad kito ki bym don ka jingtip bad kiba leh bakla.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

1 PETROS 1:14

To kohnguh ïa U Blei, bad wat shah ba ïa ka jingim jong phi yn pynwandur da kito ki jingkwah brai kiba phi la ju don mynba phi dang don ha ka jingbymtip.

1 ÏOANNIS 2:11

Hynrei uno uno uba isih ïa la u hynmen u para u don ha ka jingdum; u ïaid ha ka bad um tip shano u leit, namar ka jingdum ka la pynmatlah ïa u.