EPHESOS 4:16 - Khasi CL Bible (BSI)

¹⁶ Hapoh ka jingsynshar jong u, baroh ki dkhot kiba ïapher jong ka met ki ïabiang lang sbiak, bad ïa ka met baroh kawei la bat lang da kawei pa kawei ka jingïapyndait ïa kaba ka la pynbiang. Kumta haba kawei pa kawei ka bynta kaba ïapher ka ïatrei kam kumba ka dei ban trei, ka met baroh kawei ka san bad ka tei ïa lade da ka jingieit.

KA BAIBL

¹⁶ na uba ka met baroh kawei ba la pynwan dur biang bad ba la pyndait lang da kata kaba kawei pa kawei ka dkhot ka ïa-ai, katba kum ka jingtrei ha ka jingthew kaba biang jong kawei pa kawei ka bynta, ka pynsan ïa kata ka met ïa ka ban tei ïa lade ha ka jingieit.

EPHESOS 4:16 ပူးပေါင်းရင်းမြစ်များ

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

Ka Shithi U Paul Sha Ki Nong Rom 12:4

Ngi don bun ki dkhot ha kawei ka met bad baroh kine ki dkhot ki don ki jingtreikam bapher bapher.

1 KORINTH 10:17

Namar don uwei u kpu, baroh na ngi, wat la ngi long shibun, ngi long kawei ka met, naba ngi baroh ngi ïoh bynta lem na ujuh u kpu.

1 KORINTH 13:13

Kine lai tylli kin ïaisah: Ka jingngeit, ka jingkyrmen bad ka jingieit; bad kaba khraw tam na kine ka long ka jingieit.

1 KORINTH 8:1

Mynta, shaphang kaei kaba phi la thoh ïa ka jingbam ba la kñia sha ki bleithaw. Ka long kaba shisha, te, ba “ma ngi baroh ngi don ka jingtip,” kumba ki ong. Pynban, kum kata ka jingtip, ka pynmeng ïa u briew da ka jingsarong; hynrei ka jingieit ka tei keiñ.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 3:7

Ïa nga keiñ la pynlong u shakri jong kata ka gospel da ka jingai bakyrpang U Blei, kaba u la ai ha nga lyngba ka jingtrei ka bor jong u.

EPHESOS 4:12

U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

EPHESOS 4:15

Pynban, da kaba kren ïa ka jingshisha ha ka mynsiem ka jingieit, ngi dei ban san ha ki rukom baroh ha U Khrist uba long u khlieh.

PHILIPPI 1:9

Nga duwai ba ka jingieit jong phi kan nang ïoh roi kyrhai shuh shuh, ryngkat bad ka jingtip bashisha bad ka jingbishar bajanai; khnang ba phi lah ban jied ïa kaei kaba bha tam.

KOLOSSAI 2:19

Hapoh ka jingsynshar jong U Khrist la bsa ïa ka met baroh kawei bad la pyndait lang da ki mat bad doh-satar jong ka, bad ka san kumba U Blei u kwah ïa ka ba kan san.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 THESSALONI 2:13

Bad don sa kawei pat ka daw balei ba ngi ainguh borabor ïa U Blei. Haba ngi la wallam ha phi ïa ka khubor jong U Blei, phi la ïohsngew bad pdiang ïa ka, ym kum ka khubor na ki briew hynrei kum ka khubor jong U Blei, kaba long shisha kumta. Naba U Blei u trei ha phi kiba ngeit.

1 THESSALONI 3:12

To U Trai un pynlong ïa ka jingieit jong phi iwei ïa iwei pat bad ïa ki briew baroh ban nang ïai san bad ban man khraw ha ka jingieit jong ngi ïa phi.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.