EPHESOS 4:12 - Khasi CL Bible (BSI)

¹² U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

KA BAIBL

¹² ïa ka ban pynjanai ïa ki riewkhuid, ïa ka jingtrei ka jingshakri 'tien Blei, ïa ka ban tei ïa ka met U Khrist:

EPHESOS 4:12 ပူးပေါင်းရင်းမြစ်များ

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

KI KAM 1:17

U Judas u la long u dkhot jong ka kynhun jong ngi, namar la lah jied ïa u ban ïadon bynta lem ha ka kam jong ngi.”

KI KAM 1:25

ban shakri kum u apostol ha ka jaka jong u Judas, uba la iehnoh ban leit sha ka jaka kaba u dei ban leit.”

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

Ka Shithi U Paul Sha Ki Nong Rom 12:5

Ha kajuh ka rukom, wat la ngi long shibun, ngi long kawei ka met ha U Khrist, bad la pynïasoh iwei bad iwei pat kum ki dkhot bapher jong kawei ka met.

Ka Shithi U Paul Sha Ki Nong Rom 12:7

lada ka long ban shakri, ngi dei ban shakri; lada ka long ban hikai, ngi dei ban hikai;

Ka Shithi U Paul Sha Ki Nong Rom 14:19

Te kumta, ngi dei borabor ban thmu ban leh ïa kita kiei kiei kiba wallam ka jingsuk bad kiba ïarap ban pynkhlaiñ iwei ïa iwei pat.

Ka Shithi U Paul Sha Ki Nong Rom 15:14

Ko ki parabangeit jong nga: Nga hi nga sngewskhem ba phi dap da ka jingbha, ba phi don ka jingtip baroh, bad ba phi lah ban hikai iwei ïa iwei pat.

Ka Shithi U Paul Sha Ki Nong Rom 15:2

Pynban, ma ngi baroh, ngi dei ban pynsngewbha ïa ki parabangeit jong ngi na ka bynta ka jingbha jong ki, khnang ban tei ïa ki ha ka jingngeit.

Ka Shithi U Paul Sha Ki Nong Rom 15:29

Haba ngan wan sha phi, nga tip ba ngan wan ryngkat bad ka jingkyrkhu ba-dap jong U Khrist.

1 KORINTH 12:27

Baroh na phi, phi long ka met U Khrist, bad uwei pa uwei u long u bynta jong ka.

1 KORINTH 12:7

La pynpaw ïa ka jingdon ryngkat U Mynsiem ha kano kano ka rukom ha uwei pa uwei na ka bynta ka jingbha ïa baroh.

1 KORINTH 14:12

Namar ba phi kwah hir hir ïa ki jingai jong U Mynsiem, phi dei ban pyrshang nalor kiei kiei baroh ban kham pyndonkam ïa kito kiba long jingïarap ban tei ïa ka balang.

1 KORINTH 14:14

Naba lada nga duwai ha kane ka rukom, ka mynsiem jong nga ka duwai da shisha, hynrei ka jingmut jong nga kam don bynta ha ka.

1 KORINTH 14:26

Kane ka long kaei kaba nga mut, ko parabangeit jong nga. Haba phi ïashem lang ïa ka ban mane ïa U Blei, uwei u don ka jingrwai, uwei pat ïa ka jinghikai, uwei pat ïa ka jingpynpaw na U Blei, sa uwei pat ha ki thylliej bapher, bad sa uwei pat ïa ka jingbatai ïa kaei kaba la kren. Baroh ki dei ban long ki ban ïarap ïa ka balang.

2 KORINTH 12:19

Lehse phi pyrkhat ba baroh shi katta ngi la pyrshang ban ïasaid da ïa lade ha khmat jong phi. Em! Ngi kren kumba U Khrist un jin da la kwah ïa ngi ban kren ha ka jingdon ryngkat U Blei, bad baroh kaba ngi leh, ko paralok ba-ieit, la leh ban ïarap ïa phi.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

2 KORINTH 13:9

Ngi sngewkmen haba ngi long kiba tlot hynrei phi long kiba khlaiñ. Bad kumta ngi duwai ruh ba phin long kiba janai.

2 KORINTH 3:8

Lada kata ka Hukum, kaba wallam ïa ka jingïap haba la pyntreikam ïa ka, ka la wan ha kat kata ka burom, kaba katno tam ka burom kaba kham khraw ka long kata ka jingtrei jong U Mynsiem!

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 5:18

Ïa kane baroh la leh da U Blei, uba lyngba U Khrist u la pynkylla ïa ngi na ki nongshun sha ki paralok jong u bad u la aiti ha ngi ïa ka kamram ban pynlong ïa kiwei ruh ki paralok jong u.

2 KORINTH 6:3

Ngim kwah ïano ïano ban wad daw ïa ka jingtrei jong ngi, kumta ngi pyrshang ban ym buh ïa ki jingjynthut ha ka lynti jongno jongno.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

EPHESOS 1:23

Ka Balang ka long ka met U Khrist, kaba pyndap pura ïa u, uba da lade hi u pyndap pura ïa kiei kiei baroh ha kylleng ki jaka.

EPHESOS 4:16

Hapoh ka jingsynshar jong u, baroh ki dkhot kiba ïapher jong ka met ki ïabiang lang sbiak, bad ïa ka met baroh kawei la bat lang da kawei pa kawei ka jingïapyndait ïa kaba ka la pynbiang. Kumta haba kawei pa kawei ka bynta kaba ïapher ka ïatrei kam kumba ka dei ban trei, ka met baroh kawei ka san bad ka tei ïa lade da ka jingieit.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

KOLOSSAI 1:28

Kumta ngi ïalap ïa U Khrist ha uwei pa uwei. Da ka jingstad baroh katba lah ngi maham bad hikai ïa ki khnang ban pynïeng ïa uwei pa uwei ha khmat U Blei kum u briew uba la san pura ha U Khrist.

KOLOSSAI 4:17

Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

2 TIMOTHI 4:11

Tang u Loukas u don bad nga. Leit wad ïa u Markos bad wan ïalam ïa u ryngkat bad me, namar u lah ban ïarap ïa nga.

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

HEBRU 6:1

Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;