EPHESOS 4:11 - Khasi CL Bible (BSI)

¹¹ U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

KA BAIBL

¹¹ Bad u la thung ïa kiwei, ban long ki apostol; bad ïa kiwei, ki nongïathuhlypa; bad ïa kiwei, ki nongïathuhkhana; bad ïa kiwei, ki nongsharai bad ki nonghikai;

EPHESOS 4:11 ပူးပေါင်းရင်းမြစ်များ

2 KHRONIKL 15:3

Slem bah ki Israel ki la im khlem U Blei uba shisha, khlem ki lyngdoh ban hikai ïa ki, bad khlem ka hukum.

JEREMAÏAH 3:15

Ngan ai ha phi ki nongsynshar ki ban kohnguh ïa nga, bad kin synshar ïa phi da ka jingstad bad ka jingshemphang.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

KI KAM 13:1

Ha ka balang ha Antiokh la don katto katne ngut ki nongïathuhlypa bad ki nonghikai: U Barnabas, u Simeon (ïa uba la khot u Niger), u Lukios (na Kyrini) bad u Manaen (ïa uba la pynsan pynrangbah bad u Herod Antipas uba long u lyngskor) bad u Saul.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 21:8

Ha ka sngi kaba bud ngi la mihnoh bad ngi la poi ha Kaisaria. Hangta ngi la sah ha ka ïing jong u Philip u ebanjelist, uwei na ki hynñiew ngut ki rangbah ba la jied kum ki nongïarap ha Jerusalem.

Ka Shithi U Paul Sha Ki Nong Rom 12:7

lada ka long ban shakri, ngi dei ban shakri; lada ka long ban hikai, ngi dei ban hikai;

1 KORINTH 12:4

Ki don bun jait ki jingai ba kynja mynsiem, hynrei ujuh U Mynsiem u ai ïa ki.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

EPHESOS 4:8

Kumba ka Jingthoh Bakhuid ka ong, “Mynba u la kiew shajrong eh, u la ïalam bad u ïa shibun kiba shah ringmraw; u la ai ki jingai sngewbha ha u bynriew.”

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

HEBRU 5:12

Ka la dei ka por kaba la biang bha ïa phi ban long ki nonghikai — pynban, phi dang donkam ïa uwei pat ban hikai ïa phi ïa ki jinghikai banyngkong jong ka khubor U Blei. Ha ka jaka ban bam ïa ka jingbam kaba eh, phi dang ïai donkam ban dih da ka dud.

JUDAH 1:17

Hynrei to kynmaw, ko ki paralok jong nga, ïa kaei ba la ïathuh ha phi mynshuwa da ki apostol jong U Jisu Khrist uba U Trai jong ngi.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 21:14

Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.