EPHESOS 4:1 - Khasi CL Bible (BSI)

¹ Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

KA BAIBL

¹ Namar kata, nga, u nongsah byndi ha U Trai, nga kyrpad ïa phi ban ïaid kumba dei ïa kata ka jingkhot da kaba la khot ïa phi,

EPHESOS 4:1 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 5:24

U la pynlut la ka jingim ha kaba ïasyllok bad U Blei, bad hadien kata u la jah noh, namar U Blei u la shim noh ïa u.

JEREMAÏAH 38:20

Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

Ka Shithi U Paul Sha Ki Nong Rom 11:29

Naba U Blei um shym la pynkylla ïa ka jingmut jong u shaphang jongno ba u jied bad u kyrkhu.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

1 KORINTH 4:16

Nga kyrpad ïa phi, namarkata, ba phin pyrthuh bud ïa nga.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 4:12

Nga kyrpad ïa phi, ki parabangeit jong nga, ba phin long kum ma nga. La shisha, nga long hi kum ma phi. Phim shym la leh sniew ei ei ïa nga.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

EPHESOS 3:1

Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

EPHESOS 4:17

Ha ka kyrteng U Trai, te, nga maham ïa phi; wat ïai im kum kiba mane blei thala, kiba ki jingpyrkhat jong ki kim donbor, bad kiba ki jingmut jong ki, ki long ha ka jingdum.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 3:14

Kumta nga mareh beit sha pyrshah ka thong khnang ban ïoh ïa ka prais, kaba long ka jingkhot U Blei da U Khrist Jisu sha ka jingim kaba shaneng.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

KOLOSSAI 2:6

Naduh ba phi la pdiang ïa U Khrist Jisu kum U Trai, to im ha u.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 2:12

Ngi la pynshlur ïa phi, ngi la pyntngen ïa phi, bad ngi ïai kyrpad ïa phi ban im ka jingim kaba pynsngewbha ïa U Blei, uba khot ïa phi ban ïa-ïoh bynta lem ha ka Hima bad ka burom jong u hi.

2 THESSALONI 1:11

Dei kata keiñ balei ba ngi ïai duwai borabor na ka bynta jong phi. Ngi kyrpad ïa U Blei jong ngi ban pynlong ïa phi kiba bit ïa ka jingim kaba u la khot ïa phi ban im. Ai ba un pyndap da ka bor jong u ïa ka jingkwah jong phi baroh na ka bynta ka jingbha bad ban pyndep ïa ka jingtrei ka jingngeit jong phi.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

TITOS 2:10

Pynban, ki dei ban pyn-i ba ki long borabor kiba bha bad ba lah ban shaniah, khnang ban pynshisha ïa ka jinghikai shaphang U Blei U Nongpynim jong ngi ha baroh ba ki leh.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

2 PETROS 1:3

Ka bor jong U Blei ka la ai ha ngi ïa kiei kiei baroh kiba ngi donkam ban im ïa ka jingim riewblei bashisha da ka jingtip jong ngi ïa uta uba la khot ïa ngi ban ïadon bynta ha ka burom bad ka jingbha jong u hi.

2 ÏOANNIS 1:5

Bad kumta nga kyrpad ïa phi, ko Kynthei badonburom: To ai ba baroh ngin ïa-ieit iwei ïa iwei pat. Kane kam long ka hukum kaba thymmai kaba nga thoh sha phi; ka long ka hukum kaba ngi la don naduh mynnyngkong.