EPHESOS 3:6 - Khasi CL Bible (BSI)

⁶ Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

KA BAIBL

⁶ ba ki Jentil ki long ki nongïoh pateng, bad ki para dkhot na kata ka met, bad ki nongïoh bynta lem na kata ka jingkular ha U Khrist Jisu da ka gospel.

EPHESOS 3:6 ပူးပေါင်းရင်းမြစ်များ

ESEKIEL 47:22

kan long ka jingïohkynti jong phi junom. Ki nongwei kiba shong basah hapdeng jong phi bad kiba la don ki khun ba la kha hangne ruh kin ïoh ïa ka bynta jong ki na ka ri haba phi bynta ïa ka. Ïa ki dei ban ñiew kum ïa ki nongshong shnong Israel ba-pura bad dei ban kynting sbai ban ïoh bynta ïa ka ri ryngkat bad ki jait Israel.

1 KORINTH 12:12

U Khrist u long kum kawei ka met, kaba don shibun ki dkhot; ka long hi tang kawei ka met, wat haba la pynlong ïa ka da ki dkhot kiba ïapher.

1 KORINTH 12:27

Baroh na phi, phi long ka met U Khrist, bad uwei pa uwei u long u bynta jong ka.

GALATIA 3:14

U Khrist u la leh ïa kane khnang ba ka jingkyrkhu kaba U Blei u la kular ha u Abraham kan ïoh wan ha ki Jentil da U Khrist Jisu, khnang ba lyngba ka jingngeit ngin ïohpdiang ïa U Mynsiem ba la kular da U Blei.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 3:3

U Blei u la pynpaw shai ïa ka jingthmu barieh jong u bad u la pyntip ïa ka ha nga.

EPHESOS 5:30

naba ngi long ki dkhot ka met jong u.)

EPHESOS 5:7

Kumta phim dei ban ïadon bynta ei ei bad kiba kum kita ki briew.

KOLOSSAI 2:19

Hapoh ka jingsynshar jong U Khrist la bsa ïa ka met baroh kawei bad la pyndait lang da ki mat bad doh-satar jong ka, bad ka san kumba U Blei u kwah ïa ka ba kan san.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.