EPHESOS 3:18 - Khasi CL Bible (BSI)

¹⁸ khnang ba ma phi lem bad ki briew jong U Blei baroh, phin lah ban ïoh ka bor ban sngewthuh katno ka jingïar bad ka lynter, katno ka jingjrong bad ka jingjylliew, ka long ka jingieit U Khrist.

KA BAIBL

¹⁸ khnang ba haba la pynsuh thied bad ba la pynshong nongrim ha ka jingieit, phin long kiba khlaiñ ban shemphang lem bad ki riewkhuid baroh, kaei ka jingjlan, bad ka lynter, bad ka jingjylliew, bad ka jingjrong:

EPHESOS 3:18 ပူးပေါင်းရင်းမြစ်များ

2 KHRONIKL 6:41

To ïeng mynta, A Trai U Blei, bad ryngkat bad ka Synduk ka Jutang ka dak jong ka bor jong me, to rung sha ka Templ bad to shongduh hangne. To kyrkhu ïa ki lyngdoh jong me ha kaei kaei baroh ba ki leh, bad ai ba ki briew jong me kin kmen namar ka jingbha jong me halor jong ki.

SALM 103:17

Hynrei ïa kito kiba pyndonburom ïa U Trai, ka jingieit jong u ka neh junom, bad ka jingbha jong u ka ïaisah pateng la pateng

SALM 116:15

Katno kaba pangnud ka long ïa U Trai haba iwei na ki briew jong u i ïap!

SALM 132:9

Ai ba ki lyngdoh jong me kin leh borabor ïa kaei kaba dei; ai ba ki briew jong me kin risa da ka jingkmen!

SALM 139:6

Ka jingtip jong me shaphang jong nga ka long kaba jylliew palat; ka long palat ïa ka jingshemphang jong nga.

SALM 145:10

Baroh ki jingthaw jong me, A Trai, kin ïaroh ïa me, bad baroh ki briew jong me kin ainguh ïa me.

ISAÏAH 55:9

Kumba ki bneng ki long kham shajrong ïa ka pyrthei, kumta ruh ki long ki lynti jong nga bad ki jingpyrkhat jong nga kham shajrong ïa phi.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

ÏOANNIS 15:13

Ka jingieit kaba khraw tam kaba u briew u lah ban don na ka bynta ki paralok jong u ka long ban aiti ïa la ka jingim na ka bynta jong ki.

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

2 KORINTH 13:13

Ki briew jong U Blei baroh ki phah jingkhublei ïa phi.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

EPHESOS 1:10

Kane ka jingthmu, ïa kaba U Blei un sa pyndep ha ka ïa kaba biang, ka long ban lumlang ïa ka jingpynlong baroh, ha bneng bad ha khyndew, lem bad U Khrist kum u khlieh.

EPHESOS 1:15

Na kane ka daw, naduh ba nga la ïohsngew ïa ka jingngeit jong phi ha U Trai Jisu bad ka jingieit jong phi ïa ki briew jong U Blei baroh,

EPHESOS 3:19

Ho-oid, phi lah ban tip ïa ka jingieit jong u — wat la kam long kaba lah ban tip pura ïa ka — bad kumta to long kiba dap pura da ka jinglong jong U Blei hi.

KOLOSSAI 1:4

Naba ngi la ïohsngew ïa ka jingngeit jong phi ha U Khrist Jisu bad ïa ka jingieit jong phi ïa ki briew baroh ki jong U Blei.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.