EPHESOS 3:10 - Khasi CL Bible (BSI)

¹⁰ khnang ba ha ka por ba mynta lyngba ka Balang, ki angel nongsynshar bad ki bor ha ka pyrthei ba kynja bneng ki lah ban tip ïa ka jingstad jong u ha baroh ki rukom ba-ïapher jong ki.

KA BAIBL

¹⁰ khnang ban ïoh pyntip mynta ha ki jingsynshar bad ha ki bor ha ki jaka bneng, da ka balang, ïa ka jingstad babun syrtap ka jong U Blei;

EPHESOS 3:10 ပူးပေါင်းရင်းမြစ်များ

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

1 KORINTH 2:7

Ka jingstad kaba nga pynbna ka long ka jingstad barieh jong U Blei, ïa kaba la buhrieh na u bynriew, hynrei, ïa kaba u la jied lypa na ka bynta ka burom jong ngi wat ha shuwa ba yn pynlong ïa ka pyrthei.

Ka Shithi U Paul Sha Ki Nong Rom 11:33

Katno ka long kaba khraw ka spah jong U Blei! Katno ki long kiba jylliew ka jingstad bad ka jingtip jong u! Uei uba lah ban batai ïa ki jingrai jong U? Uei uba lah ban sngewthuh ïa ki lynti jong u?

EPHESOS 1:21

U Khrist u synshar hangta halor baroh ki nongsynshar ba kynja bneng, ki bor synshar, ki bor, bad ki kynrad; u don ka kyrteng kaba kham hajrong ban ïa kiwei pat ki kyrteng kiba don ka bor ha kane ka pyrthei mynta bad ka ban sa wan.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

KOLOSSAI 1:16

Namar da u, U Blei u la thaw ïa kiei kiei baroh ha bneng bad ha khyndew, kiei kiei kiba lah ban ïohi bad kiei kiei ki bym lah ban ïohi, kynthup ïa ki bor ba kynja mynsiem, ki kynrad, ki nongsynshar, bad ki bor synshar. U Blei u la thaw ïa ka jingpynlong baroh kawei da u na ka bynta jong u.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

EPHESOS 1:8

Katno khraw ka long ka jingaiei U Blei, kaba u la ai ha ngi ha kat kata ka jingthew bakhraw!

Ka Shithi U Paul Sha Ki Nong Rom 8:38

Naba nga long thikna ba ym don kaba lah ban pynïakhlad ïa ngi na ka jingieit jong u: Ym ka jingïap lymne ka jingim, lymne ki angel, lymne kiwei ki nongsynshar ba kynja bneng lane ki bor lymne jong kaba mynta lymne ka ban sa wan,

SALM 104:24

A Trai, me la pynlong shibun kiei kiei! Haduh katno me la pynlong ha ka jingstad jong me ïa ki baroh! Ka pyrthei ka dap tang da ki jingthaw jong me.

ESEKIEL 3:12

Te U Mynsiem jong U Blei u la rah joit ïa nga, bad nga la ïohsngew na shadien jong nga ïa ka jingsawa jam jong ka sur kaba ong, “To ïaroh ïa ka burom U Trai ha bneng shajrong!”

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

EPHESOS 1:23

Ka Balang ka long ka met U Khrist, kaba pyndap pura ïa u, uba da lade hi u pyndap pura ïa kiei kiei baroh ha kylleng ki jaka.

KOLOSSAI 2:10

U long uba hakhlieh tam halor kawei pa kawei ka jingsynshar ba kynja mynsiem bad ka bor synshar.

KOLOSSAI 2:15

Bad halor kata ka diengphna, U Khrist u la pyllaitluid ïa lade na ka bor jong ki nongsynshar ba kynja mynsiem bad na ki bor synshar; u la pynlong ka jingthadrong ïa ki da kaba ïalam ïa ki kum ki mraw ha ka jingïaid paidbah kaba jop jong u.