EPHESOS 3:1 - Khasi CL Bible (BSI)

¹ Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

KA BAIBL

¹ Namar kane ka daw, nga, u Paul, u nongsah byndi U Khrist Jisu na ka bynta jong phi ki Jentil,

EPHESOS 3:1 ပူးပေါင်းရင်းမြစ်များ

LOUKAS 21:12

Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

KI KAM 21:33

U rangbah ai hukum u la leit sha u Paul, u la kem ïa u, bad u la hukum ban teh ïa u da ar tylli ki kynjri. Nangta u la kylli, “Uei une u briew, bad u la leh aïu?”

KI KAM 23:18

U rangbah pynïaidkam u la shim ïa u, u la ïalam ïa u sha u rangbah ai hukum, bad u la ong, “U Paul, u koidi, u la khot ïa nga bad kyrpad ïa nga ban wallam ïa une u samla sha me, namar ba u don ei ei ban ong ha me.”

KI KAM 26:29

“La ka long ha ka por balyngkot lane ha ka por bajlan,” u Paul u la jubab, “ka jingduwai jong nga ha U Blei ka long ba ma me bad baroh kiwei pat kiba sngap ïa nga ha kane ka sngi ki lah ban long kum ma nga — lait noh, da shisha, ïa kine ki kynjri!”

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

2 KORINTH 1:6

Lada ngi shahshitom, ka long na ka bynta ka jingïarap bad ka jingpynim jong phi; lada la ïarap ïa ngi, te la ïarap ïa phi ruh bad la ai ïa ka bor ban ïaineh lem da ka jingïaishah ha kita kijuh ki jingshahshitom ba ngi ruh ngi la ïaineh.

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

GALATIA 5:11

Hynrei na ka bynta jong nga, ko parabangeit, lada nga dang bteng ban ïalap ba ka jingotsher ka long kaba donkam, balei te ba nga dang shah pynshitom beiñ? Lada kata ka la long kaba shisha, te ka jingïalap jong nga ïa ka diengphna U Khrist kan ym long daw jingeh ei ei.

GALATIA 5:2

To shahshkor! Nga, u Paul, nga ïathuh ha phi ba lada phi shah ban otsher ïa lade, ka mut ba U Khrist un ym myntoi da lei lei ïa phi.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 3:11

U Blei u la leh ïa kane kat kum ka jingthmu bymjukut kaba u la pyndep lyngba U Khrist Jisu uba U Trai jong ngi.

EPHESOS 3:13

Nga kyrpad ïa phi, te ban ym noh mynsiem namar nga shahshitom na ka bynta jong phi; ka dei na ka bynta ka jingmyntoi jong phi baroh.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

KOLOSSAI 4:18

Da ka kti jong nga hi nga thoh ïa kane: Ki jingai khublei na u Paul. Wat klet ïa ki kynjri jong nga! To ai ba ka jingaiei jong U Blei kan long lem bad phi.

KOLOSSAI 4:3

Ha kajuh ka por to duwai ruh na ka bynta jong ngi, ba kumta U Blei un ai ha ngi ka kabu babha ban ïalap ïa ka khubor jong u shaphang ka jingmaïan U Khrist. Namar kata keiñ balei ba nga don mynta ha byndi.

2 TIMOTHI 1:16

To U Trai un pyn-i ïa ka jinglehisynei ha ka longïing u Onesiphoros, namar ba u la pyntngen ïa nga bunsien.

2 TIMOTHI 1:8

Kumta wat sngewlehrain, ban sakhi na ka bynta U Trai jong ngi, lymne ban sngewlehrain ïa nga, u nongsah byndi na ka bynta U Khrist. Pynban, to shim ïa la ka bynta ha kaba shahshitom na ka bynta ka Khubor Babha, kumba U Blei u ai ïa me ka bor ban leh ïa ka.

PHILEMON 1:1

Na u Paul, u nongsah byndi na ka bynta U Khrist Jisu, bad na u Timothi u para jong ngi — Ha u Philemon, u paralok jong ngi bad u para ba-ïatrei lang,

PHILEMON 1:23

U Epaphras, uba don lang bad nga ha ka byndi na ka bynta U Khrist Jisu, u phah ïa ki jingai khublei jong u ïa me,

PHILEMON 1:9

Hynrei namar ba nga ieit ïa me, nga pynlong ïa kane ka jingkyrpad. Nga leh ïa kane wat la nga long u Paul, u nonglamktien jong U Khrist Jisu, bad mynta ruh u nongsah byndi na ka bynta jong u.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.