EPHESOS 2:6 - Khasi CL Bible (BSI)

⁶ Ha U Khrist Jisu, la pynmihpat ïa ngi lem bad u, ba ngin ïoh synshar lem bad u ha ka pyrthei ba kynja bneng.

KA BAIBL

⁶ bad u la pynmih ïa ngi lem bad u, bad u la pynshong ïa ngi lem bad u ha ki jaka bneng, ha U Khrist Jisu;

EPHESOS 2:6 ပူးပေါင်းရင်းမြစ်များ

MATHAÏOS 26:29

Nga ong ha phi, ngan ym dih shuh ïa kane ka waiñ tad haduh ka sngi ba nga dih ïa ka waiñ thymmai bad phi ha ka Hima jong U Kpa jong nga.”

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 14:3

Bad hadien ba nga la leit bad pynkhreh ka jaka ïa phi, ngan wan pat bad ngan shim ïa phi ha lade hi, ba phi ruh phin don ha ka jaka kaba nga don.

EPHESOS 1:1

Na u Paul, uba da ka mon U Blei u long u Apostol jong U Khrist Jisu — Sha ki briew jong U Blei ha Ephesos, kiba ïeng skhem ha ka jingim jong ki ha U Khrist Jisu:

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

EPHESOS 2:13

Hynrei mynta, ha U Khrist Jisu, ïa phi kiba la ju long jngai la wallam hajan da ka jingïap kaba long ka jingkñia U Khrist.

KOLOSSAI 1:18

U long u khlieh jong ka balang kaba long ka met jong u; u long u tynrai jong ka jingim jong ka. U long U Khun uba la kha nyngkong, ïa uba la pynmihpat na ka jingïap, khnang ba tang ma u hi un ïoh ïa ka bynta kaba nyngkong ha kiei kiei baroh.