EPHESOS 2:3 - Khasi CL Bible (BSI)

³ Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

KA BAIBL

³ hapdeng jong ki ba ma ngi baroh ngi la ju im shi sien ha ki jingkwah ka doh jong ngi, da kaba leh ïa ki mon jong ka doh bad ki jong ki jingmut, bad ngi la ju long na la ka tynrai, ki khun ka jingbitar, kumjuh kum kita kiwei:

EPHESOS 2:3 ပူးပေါင်းရင်းမြစ်များ

JENESIS 5:3

Haba u Adam u la dap shispah laiphew snem ka rta, u la ïoh khun shynrang uba syriem ïa u bad u la kyrteng ïa u, u Seth.

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

Ka Kitab U Job 25:4

Hato don mano mano uba lah ban long uba hok bad uba khuid ha khmat U Blei?

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

MARKOS 4:19

hynrei ki jingpynkhuslai jong kane ka jingim, ka jingieit ïa ka spah, bad baroh kiwei ki jait jingkwah ki tap bad kjap noh ïa ka khubor, bad kim seisoh satia.

ÏOANNIS 1:13

Kim shym la long ki khun U Blei katba kum ka rukom, kata, da kaba kha kum ki khun u kpa ha ka doh; U Blei hi u la long U Kpa jong ki.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

KI KAM 14:16

Ha ka por mynshuwa u la shah ïa ki briew baroh ban ïaid ha ka mon jong ki.

Ka Shithi U Paul Sha Ki Nong Rom 1:24

Bad kumta U Blei u la ai noh ïa kita ki briew sha ka ban leh ïa kiei kiei kiba jakhlia kiba ki dohnud jong ki, ki kwah, bad ki leh ïa kiei kiei kiba khlemrain para ma ki.

Ka Shithi U Paul Sha Ki Nong Rom 11:30

Na ka bynta jong phi ki Jentil, phim shym kohnguh ïa U Blei mynshuwa; hynrei mynta phi la ïohpdiang ïa ka jingisynei U Blei namar ki Jiw ki la long ki bymkohnguh.

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 2:14

Ki Jentil kim don ïa ka Hukum; hynrei haba ki leh da ka jingsngewthuh ha lade ïa kaei kaba ka Hukum ka dawa, ki long ka hukum ïa lade, wat la kim don ka Hukum.

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

Ka Shithi U Paul Sha Ki Nong Rom 5:9

Da ka jingïap ba aiti lut jong u, mynta la pynlong ka jingïadei hapdeng jong ngi bad U Blei; katno tam te, ngin long kiba lait im da u na ka jingbitar U Blei!

Ka Shithi U Paul Sha Ki Nong Rom 6:12

Ka pop kam dei shuh ban synshar ïa ki met ki jong phi, da kaba pynkohnguh sha ki jingkwah jong ka jinglong tynrai jong phi.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

1 KORINTH 4:7

Uei uba pynlong ïa phi ban sngew kham halor ïa kiwei pat? Hato ym dei U Blei uba la ai ha phi baroh kaba phi don? Kumta, te, kumno phi lah ban sngewsarong, kumba kaei kaba phi don, kam dei ka jingai sngewbha?

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

GALATIA 3:22

Hynrei ka Jingthoh Bakhuid ka ïathuh ba ka pyrthei hi baroh kawei ka don hapoh ka bor jong ka pop; bad kumta ïa ka jingai ïa kaba la kular halor ka nongrim jong ka jingngeit ha U Jisu Khrist la ai ïa kito kiba ngeit.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

1 THESSALONI 4:13

Ko parabangeit, ngi kwah ïa phi ban tip ïa ka jingshisha shaphang kito kiba la ïap, khnang ba phin ym sngewsih, kumba long kito ki bym don ka jingkyrmen.

1 THESSALONI 5:6

Kumta te, ngim dei ban ïohthiah kum kiwei pat; ngi dei ban peitmat bad pyngngad.

1 TIMOTHI 6:9

Hynrei kito kiba kwah ban riewspah ki hap ha ka jingpynshoi bad ki ngat ha ka jingriam jong ki jingkwah ba-bieit bad ki jingkwah ba-pynmynsaw, kiba tan ïa ki sha ka jingjot bad ka jingpynjot.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 PETROS 1:14

To kohnguh ïa U Blei, bad wat shah ba ïa ka jingim jong phi yn pynwandur da kito ki jingkwah brai kiba phi la ju don mynba phi dang don ha ka jingbymtip.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

1 ÏOANNIS 2:16

Baroh kiei kiei kiba dei jong ka pyrthei — kaei kaba ka malade bapop ka brai, kaei kaba ki briew ki ïohi bad kwah, bad baroh kiei kiei kiba ha ka pyrthei kiba ki briew ki sngewsarong — ym don na kane kaba wan na U Kpa; baroh ka wan na ka pyrthei.

1 ÏOANNIS 2:8

Pynban, ka hukum kaba nga thoh mynta sha phi ka long kaba thymmai, namar ka jingshisha jong ka, ka la paw ha U Khrist bad kumjuh ruh ha phi. Naba ka jingdum ka la jah noh, bad ka jingshai kaba shisha ka la da tyngshaiñ.