EPHESOS 2:2 - Khasi CL Bible (BSI)

² Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

KA BAIBL

² ha kiba phi la ju ïaid mynno mynno katba kum ka rukom jong kane ka pyrthei, katba kum u syiem ka jingsynshar ka suiñ, ka jong kata ka mynsiem keiñ kaba trei mynta ha ki khun ka jingbymkohnguh:

EPHESOS 2:2 ပူးပေါင်းရင်းမြစ်များ

Ka Kitab U Job 1:16

Ha shuwa ba un kut ka jingkren, sa uwei pat u shakri u la wan bad u ong, “U Pyrthat u la tied ïa ki langbrot bad ïa ki nongaplangbrot bad pynïap ïa ki baroh. Tang ma nga uba la lait im ban wan ïathuh ïa phi.”

Ka Kitab U Job 1:19

Ka rah ïa ka ïing bad pynïap ïa ki baroh. Tang ma nga uba la lait im ban wan ïathuh ïa phi.”

Ka Kitab U Job 1:7

U Trai u kylli ïa u, “Kaei kaba me la lah leh?” U Soitan u jubab, “Nga la leit ïaid shane bad shatai, da kaba shang kylleng sawdong ka pyrthei.”

Ka Kitab U Job 31:7

Lada nga la phai noh na ka lynti kaba dei lane shah ban pynthame ïa lade da kaba sniew, lada ki kti jong nga ki bit da ka pop,

SALM 17:14

pynim ïa nga na kito kiba ha kane ka pyrthei ki don lut ïa kaba ki kwah. Pynshitom ïa ki da ki jingshitom kiba me la kynton na ka bynta jong ki; Ai ba kan dap na ka bynta ki khun ki kti jong ki bad katto katne kaba sah na ka bynta ki khun jong ki khun jong ki!

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 57:4

Ïano phi leh biria? Ïano phi ki nongshukor phi rkhiebeiñ?

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

HOSIA 10:9

U Trai u ong, “Ki paid Israel kim shym la sangeh ban leh pop pyrshah ïa nga naduh ka por ba ki leh pop ha Gibeah. Kumta ha Gibeah ka thma kan lap ïa ki.

MATHAÏOS 11:19

Haba U Khun U Briew u la wan, u la bam bad u la dih, bad uwei uwei baroh u la ong, ‘Ha khmih ïa une u briew! U long uba lalot bad u nongdih, u paralok jong ki nonglum khajna bad kiwei pat kiba la shah kyntait!’ Pynban, ïa ka jingstad Blei la pyn-i ba ka long kaba shisha da kiba mih na ka.”

MATHAÏOS 13:22

Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

MATHAÏOS 13:38

ka lyngkha ka long ka pyrthei; u symbai babha u long ki briew kiba long ki jong ka Hima; ki ñiut ki long ki briew kiba long ki jong Uta u Basniew;

MARKOS 4:19

hynrei ki jingpynkhuslai jong kane ka jingim, ka jingieit ïa ka spah, bad baroh kiwei ki jait jingkwah ki tap bad kjap noh ïa ka khubor, bad kim seisoh satia.

LOUKAS 16:8

“Kaba mih ka long ba u trai jong une u sordar bymhok u la ïaroh ïa u ba u leh ïa kaba kum kane kaba sianti; namar ki briew jong kane ka pyrthei ki long kiba kham sianti ha kaba trei ïa la ki kam ban ïa ki briew kiba long ki jong ka jingshai.”

LOUKAS 22:31

“Ko Simon, Simon! Sngap! U Soitan u la ïoh jingbit ban tynjuh ïa phi baroh, ban pynïakhlad ïa kaba bha na kaba sniew, kumba u nongrep u pynïakhlad ïa u kew na u stait.

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 13:2

U Jisu bad la ki synran ki dang ïabam jingbam miet. U Ksuid u la bsuh lypa ha ka dohnud jong u Judas, u khun jong u Simon Iskariot, ka jingpyrkhat ban shetkylla ïa U Jisu.

ÏOANNIS 13:27

U Judas tang mar ïashim ïa uta u kpu, u Soitan u la rung hapoh jong u. U Jisu u la ong ha u, “Leh noh kloi ïa kaei kaba men sa leh!”

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

ÏOANNIS 8:23

U Jisu u la jubab, “Phi dei jong kane ka pyrthei kaba hangne ha tbian, hynrei nga wan najrong. Phi dei na kane ka pyrthei, hynrei ngam dei na kane ka pyrthei.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

KI KAM 19:35

Ha kaba khatduh, u nongtrei sorkar u la lah ban pynjai jai ïa u paidbah. “Ko para nong Ephesos!” u la ong. “Uwei pa uwei u tip ba ka nongbah Ephesos ka dei ka nongsumar ïa ka templ jong ka Artemis bakhraw bad ïa u mawkyntang uba la hap na sahit bneng.

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

1 KORINTH 5:10

Mynta ngam mut ïa ki bymngeit kiba awria ne kiba lalot ne kiba long ki nongtuh ne kiba mane ïa ki bleithaw. Ban lait na kine phi dei ban mihnoh shisyndon na ka pyrthei.

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

EPHESOS 1:21

U Khrist u synshar hangta halor baroh ki nongsynshar ba kynja bneng, ki bor synshar, ki bor, bad ki kynrad; u don ka kyrteng kaba kham hajrong ban ïa kiwei pat ki kyrteng kiba don ka bor ha kane ka pyrthei mynta bad ka ban sa wan.

EPHESOS 2:11

Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

EPHESOS 2:13

Hynrei mynta, ha U Khrist Jisu, ïa phi kiba la ju long jngai la wallam hajan da ka jingïap kaba long ka jingkñia U Khrist.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

EPHESOS 4:17

Ha ka kyrteng U Trai, te, nga maham ïa phi; wat ïai im kum kiba mane blei thala, kiba ki jingpyrkhat jong ki kim donbor, bad kiba ki jingmut jong ki, ki long ha ka jingdum.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

2 TIMOTHI 4:10

U Demas u la kham noh ha ki kam pyrthei bad u la iehnoh ïa nga, bad u la leit noh sha Thessaloni. U Kreskens u la leit sha Galatia; u Titos sha Dalmatia.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

JAKOB 1:7

U briew uba kum uta, um lah ban kut jingmut bad ban rai ha kiei kiei baroh ba u leh, um dei ban pyrkhat ba un sa ïohpdiang ei ei na U Trai.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

1 PETROS 1:14

To kohnguh ïa U Blei, bad wat shah ba ïa ka jingim jong phi yn pynwandur da kito ki jingkwah brai kiba phi la ju don mynba phi dang don ha ka jingbymtip.

1 PETROS 4:3

Phi la pynlut shibun ka por kaba la leit noh da kaba leh ïa kaei kaba ki bymngeit ki kwah ban leh. Ïa ka jingim jong phi la pynlut ha kaba im awria, jingkwah brai, jingdih buaid, jingleh jakhlia, ki jingïaleh-sngewbha buaid, bad ha ka jingmane ba-ijli ïa ki bleithaw.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

1 ÏOANNIS 5:4

namar man u khun U Blei u lah ban jop noh thiaw ïa ka pyrthei. Bad ngi ïoh ïa ka jingjop halor ka pyrthei lyngba ka jingngeit jong ngi.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 16:17

Nangta u angel uba hynñiew u la theh noh ïa ka pliang jong u ha suiñ. Ka sur kaba jam ka la wan na ka khet kaba ha ka templ, ka da ong, “La pyndep!”

JINGPYNPAW 20:2

U la kem ïa u Ïakjakor, ïa uta u 'seiñ hyndai — kata, u Ksuid lane u Soitan — bad u la teh kynjri ïa u haduh shihajar snem.