EPHESOS 2:16 - Khasi CL Bible (BSI)

¹⁶ Da ka jingïap jong u halor ka diengphna, U Khrist u la pynduh thiaw ïa ka jingïashun jong ki; da ka lynti jong ka diengphna u la pynïasoh lang ar ki jaitbynriew ha kawei ka met, bad u la wallam pat ïa ki sha U Blei.

KA BAIBL

¹⁶ bad ba un ïoh pynïasuk ïa ki baroh ar ha kawei ka met ha U Blei da ka diengphna, haba u la lah pynïap ïa ka jingïashun da ka:

EPHESOS 2:16 ပူးပေါင်းရင်းမြစ်များ

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

Ka Shithi U Paul Sha Ki Nong Rom 6:6

Bad ngi tip ba ïa ka jinglong barim jong ngi la pynïap noh bad U Khrist halor ka diengphna, khnang ba ïa ka bor jong ka jinglong pop jong ngi, yn pynjot noh, khnang ba ngin ym long shuh ki mraw jong ka pop.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

1 KORINTH 10:17

Namar don uwei u kpu, baroh na ngi, wat la ngi long shibun, ngi long kawei ka met, naba ngi baroh ngi ïoh bynta lem na ujuh u kpu.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

EPHESOS 2:15

U la pynduh ïa ka hukum ki Jiw da la ki jong ki hukum bad ki kyndon, khnang ban ïoh pynlong ïa ki ar tylli ki jaitbynriew kawei ka jaitbynriew kaba thymmai ha u hi, ha kane ka rukom u wanrah jingsuk.

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

KOLOSSAI 2:14

U Blei u la map ïa ngi ïa ki pop jong ngi baroh; u la pyndam noh ïa ka jingbuh jingthoh ka bymsngewtynnat ïa ki ram jong ngi lem bad ki kyndon jong ka kiba teh bad weng noh syndon ïa ka da kaba sah preg ïa ka ha ka diengphna.

KOLOSSAI 3:15

Ka jingsuk kaba U Khrist u ai, ka long ban kdew lynti ïa phi ha ki rai kiba phi shim; naba dei ïa kane ka jingsuk ba U Blei u la khot lang ïa phi ha kawei ka met. Bad to long kiba sngewnguh.