EPHESOS 2:12 - Khasi CL Bible (BSI)

¹² Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

KA BAIBL

¹² ba mynkata, phi la long khlem U Khrist, ba la pynlong khun sohsyiem ïa phi na ka hima Israel, bad ki nongwei na kita ki jutang ka jingkular, ki bymdon ka jingkyrmen bad kiba khlem U Blei ha ka pyrthei;

EPHESOS 2:12 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

2 KHRONIKL 15:3

Slem bah ki Israel ki la im khlem U Blei uba shisha, khlem ki lyngdoh ban hikai ïa ki, bad khlem ka hukum.

ESRA 4:3

U Serubbabel, u Joshua bad ki rangbah kur ki ong ïa ki, “Ngim donkam ïa ka jingïarap jong phi ban tei ïa ka templ na ka bynta U Trai U Blei jong ngi. Ngin tei hi ïa ka da lade, kumba u Syros, u patsha ka Persia, u la hukum ïa ngi.”

EKSODOS 12:45

U nongshong basa ne u nongbylla um bit ban bam ïa ka.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

ISAÏAH 61:5

Ko ki briew jong nga, ki nongwei kin shakri ïa phi, Kin sumar ïa ki jingri jong phi kin lur ïa ki lyngkha jong phi, bad sumar ïa ki bri sohwaiñ jong phi,

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

ESEKIEL 13:9

Nga la jan ban pynshitom ïa phi ki nongïathuhlypa kiba don ki jingïohipaw ba bakla bad kiba thaw ki jingïathuhlypa kiba ïalam bakla. Phin ym don hangta haba ki briew jong nga ki ïalumlang ban ïashim ïa ki rai; ïa ki kyrteng jong phi yn ym kynthup ha ka thup kyrteng jong ki traishnong ka Israel; phin ym wan phai shuh da lei lei sha ka ri ka jong phi. Nangta phin tip ba nga long U Trai Nongsynshar.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

ESEKIEL 47:22

kan long ka jingïohkynti jong phi junom. Ki nongwei kiba shong basah hapdeng jong phi bad kiba la don ki khun ba la kha hangne ruh kin ïoh ïa ka bynta jong ki na ka ri haba phi bynta ïa ka. Ïa ki dei ban ñiew kum ïa ki nongshong shnong Israel ba-pura bad dei ban kynting sbai ban ïoh bynta ïa ka ri ryngkat bad ki jait Israel.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

JINGKHEIÑ 18:19

“Nga ai ha me, ha ki khun shynrang bad kynthei jong me, ha ki por ki ban wan baroh ïa ki jingai bakyrpang baroh ba ki Israel ki ai ha nga. Kane ka long ka jutang bym lah pynkheiñ kaba nga la pynlong bad me lem bad ki khun ki ksiew jong me.”

LOUKAS 1:72

U la ong ba un pyn-i jingisynei ïa ki kpa tymmen jong ngi bad kynmaw ïa ka jutang bakyntang jong u.

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

ÏOANNIS 4:22

Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

KI KAM 28:20

Dei na kata ka daw nga la kyrpad ban ïakynduh ïa phi bad ban ïakren bad phi. Ha ka jingshisha, la khum kynjri ïa nga kumne na ka bynta jong uta ïa uba ki paid Israel ki kyrmen.”

KI KAM 3:25

Ki jingkular jong U Blei lyngba ki nongïathuhlypa ki long na ka bynta jong phi, bad phi ïoh bynta ha ka jutang kaba U Blei u la pynlong bad ki kpa tymmen jong phi. Kumba u la ong ha u Abraham, ‘Lyngba ki khun ki ksiew jong me ngan kyrkhu ïa ki briew baroh ha ka pyrthei.’

Ka Shithi U Paul Sha Ki Nong Rom 9:8

Kane ka mut ba ki khun ba la kha kat kum ka rukom, kim dei ki khun jong U Blei; hynrei, ïa ki khun ba la kha kat kum ka jingkular U Blei, la ñiew kum ki nonghiarpateng bashisha.

GALATIA 4:8

Ha ka por ba la leit phim shym la ithuh ïa U Blei, kumta phi long ki mraw jong ki jingthaw ki bym dei ki blei.

EPHESOS 2:19

Kumta te, phi ki Jentil phim long shuh ki nongwei ne ki sohshnong; phi long mynta ki para traishnong bad ki briew jong U Blei bad ki dkhot jong ka longïing U Blei.

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

1 THESSALONI 4:13

Ko parabangeit, ngi kwah ïa phi ban tip ïa ka jingshisha shaphang kito kiba la ïap, khnang ba phin ym sngewsih, kumba long kito ki bym don ka jingkyrmen.

1 THESSALONI 4:5

ym ha ka jingkwah brai thala, kum kiba mane blei thala ki bymtip ïa U Blei.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

HEBRU 8:6

Hynrei mynta, ha U Jisu u la ai ïa ka kam lyngdoh kaba kham halor ban ïa ka jong ki, kumba ka jutang ïa kaba u la pynbeit hapdeng U Blei bad la ki briew ka long kaba kham bha, namar la seng nongrim ïa ka ha ki jingkular ïa kiei kiei kiba kham bha.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

1 PETROS 3:15

Hynrei to tiengburom ïa U Khrist ha ki dohnud jong phi, bad pyndonburom ïa u kum U Trai. To long kiba la kloi ha ki por baroh ban ai ka jubab ïa uno uno uba kylli ïa phi ban batai ïa ka jingkyrmen kaba don ha phi,

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.