EPHESOS 2:11 - Khasi CL Bible (BSI)

¹¹ Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

KA BAIBL

¹¹ Naba kumta, to kynmaw, ba mynno mynno ma phi, ki Jentil ha ka doh, ïa kiba la khot “Ka Bym-otsher” da kata ïa kaba la khot “Ka Ba-otsher” ba la thaw da ki kti ha ka doh;

EPHESOS 2:11 ပူးပေါင်းရင်းမြစ်များ

ESEKIEL 20:43

Te phin kynmaw ïa baroh kiei kiei kiba jahburom kiba phi la leh bad kumno phi la pyntngit ïa lade. Phin sa isih ïa lade namar kiei kiei kiba sniew baroh kiba phi la leh.

ESEKIEL 36:31

Phin sa kynmaw ïa ki jingleh bymman jong phi bad ïa ki jingbakla ba phi la leh, bad phin sa isih ïa lade namar ki pop jong phi bad ki jingleh palat jong phi.

MATHAÏOS 20:7

‘Ym don mano mano ba khot bylla ïa ngi,’ ki la jubab. ‘Lada kumta, te, phi ruh khie leit bad trei ha ka bri sohwaiñ,’ u la ong ha ki.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 2:26

Lada u Jentil, u bym shym la otsher, u kohnguh ïa ki jingdawa ka Hukum, hato U Blei un ym ñiew ïa u kumba u la dep otsher?

Ka Shithi U Paul Sha Ki Nong Rom 2:27

Bad kumta ma phi ki Jiw phin shah pynrem ha ki Jentil namar phi pynkheiñ ïa ka Hukum, wat la na ka bynta jong phi ïa ka Hukum la thoh bad ïa phi la otsher; hynrei ki kohnguh ïa ka Hukum, wat la ym shym la otsher ïa ki ha ka doh.

1 KORINTH 12:2

Phi tip ba mynba phi dang long kiba mane bleithaw, la ïalam sakma ïa phi ha ki rukom kiba bun sha ki jingmane ïa ki bleithaw ki bym don jingim.

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

GALATIA 2:15

Ha ka jingshisha, la kha ïa ngi kum ki Jiw bad ym kum “ki Jentil bapop” kumba la khot ïa ki.

GALATIA 6:12

Ki briew kiba pyrshang ban pynbor ïa phi ban otsher ki dei kito kiba kwah ban pynpaw bad kob ïa ki kam kiba paw shabar. Ki leh ïa ka, la kumno kumno, tang ban lait na ka jingshah pynshitom beiñ na ka bynta ka diengphna U Khrist.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 16:12

Kynmaw ba phi dei ban kohnguh ïa kine ki hukum; wat klet ruh ba phi la long ki mraw ha Ijipt.

DEUTERONOMI 5:15

Phi dei ban kynmaw ba phi la long ki mraw ha Ijipt, bad ba nga, U Trai U Blei jong phi, nga la pyllait im ïa phi da ka borbah jong nga. Dei namar kata ba nga hukum ïa phi ban rakhe ïa ka Sabbaton.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

DEUTERONOMI 9:7

“Wat ju klet kumno phi la pynbitar lep ïa U Trai ha ka ri shyiap. Naduh ka sngi ba phi mih na Ijipt haduh ba phi poi hangne, phi la ïaleh pyrshah ïa u.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

KOLOSSAI 3:11

Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.