EPHESOS 1:9 - Khasi CL Bible (BSI)

⁹ U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

KA BAIBL

⁹ haba u la pyntip ha ngi, ïa ka jingmaïan ka mon jong u, katba kum ka jingsngewbha jong u ïa kaba u la lah thmu ha lade;

EPHESOS 1:9 ပူးပေါင်းရင်းမြစ်များ

SALM 33:11

Hynrei ki jingthmu jong u ki neh junom, ki jingthmu jong u ki long pateng la pateng.

JEREMAÏAH 2:29

Kaei ka jingujor jong pha? Balei pha la ïeng ïaleh pyrshah ïa nga?

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

KI KAM 13:48

Haba ki Jentil ki la ïohsngew ïa kane, ki la kmen bad ki la ïaroh ïa ka khubor jong U Trai, bad kito ïa kiba la jied na ka bynta ka jingim bymjukut ki la long ki riewngeit.

KI KAM 2:23

Kat kum ka jingthmu jong u hi, U Blei u la lah thmu lypa ba ïa U Jisu yn aiti ha phi; bad phi la pynïap ïa u da kaba shah ïa ki briew bapop ban sahnarphna ïa u.

KI KAM 4:28

Ki la ïalumlang ban leh ïa kaei kaei baroh kaba ma me da ka bor bad ka mon jong me, me la lah thmu ba kan jia.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

GALATIA 1:12

Ngam shym la ïohpdiang ïa ka na uno uno u briew, lane ym shym la don mano mano ruh ba la hikai ïa ka ha nga. U dei U Jisu Khrist hi uba la pynpaw ïa ka ha nga.

GALATIA 1:15

Hynrei U Blei ha ka jingaiei jong u, u la jied ïa nga wat shuwa ban kha ïa nga, bad u la khot ïa nga ban shakri ïa u.

GALATIA 1:16

Bad ynda u la kut jingmut ban pynpaw ïa la U Khun ha nga, khnang ba nga lah ban ïalap ïa ka khubor babha shaphang jong u ha ki Jentil, ngam shym la leit wad buit nano nano,

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 1:8

Katno khraw ka long ka jingaiei U Blei, kaba u la ai ha ngi ha kat kata ka jingthew bakhraw!

EPHESOS 3:11

U Blei u la leh ïa kane kat kum ka jingthmu bymjukut kaba u la pyndep lyngba U Khrist Jisu uba U Trai jong ngi.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.