EPHESOS 1:4 - Khasi CL Bible (BSI)

⁴ Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

KA BAIBL

⁴ kat kumba u la jied ïa ngi ha u mynba ym pat pynshong nongrim ïa ka pyrthei, khnang ba ngin long ki bakhuid bad kiba khlem jingduna ha khmat jong u ha ka jingieit:

EPHESOS 1:4 ပူးပေါင်းရင်းမြစ်များ

2 SAMUEL 22:24

U tip ba ngam don jingpalat, ba nga la sumar ïa lade na kaba leh bakla.

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

LEBITIKOS 20:7

Pynkyntang khuid ïa lade, naba nga long U Trai U Blei jong phi.

MATHAÏOS 24:22

Hynrei U Blei u la pynduna ïa ka jingbun ki sngi; lada um shym la leh kumta, yn ym don mano mano ruh uba lah ban lait im. Na ka bynta ki briew jong u kiba u la jied, U Blei un pynduna ïa ki sngi.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

KI KAM 13:48

Haba ki Jentil ki la ïohsngew ïa kane, ki la kmen bad ki la ïaroh ïa ka khubor jong U Trai, bad kito ïa kiba la jied na ka bynta ka jingim bymjukut ki la long ki riewngeit.

KI KAM 15:18

Kumta ong U Trai, uba la pyntip ïa kane slem bah mynshuwa.’

KI KAM 18:10

Ym don mano mano ba lah ban pynmynsaw ïa me, naba kiba bun ha kane ka nongbah ki long ki briew jong nga.”

Ka Shithi U Paul Sha Ki Nong Rom 8:33

Uei u ban mudui ïa kiba la jied jong U Blei? U Blei hi da lade u la pynbna ba ki long khlem pop!

1 KORINTH 1:8

U ruh un batskhem ïa phi haduh kaba kut, khnang ba phin long kiba khlem shah kynnoh pop ha ka Sngi jong U Jisu Khrist uba U Trai jong ngi.

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 4:2

To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

KOLOSSAI 1:22

Hynrei mynta, da ka jingïap jong U Khun jong u ha kane ka doh, U Blei u la pynlong ïa phi ki paralok jong u, khnang ban pynïeng ïa phi, kiba khuid, kiba sngur, bad kiba khlem jingduna ha khmat jong u.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

1 THESSALONI 3:12

To U Trai un pynlong ïa ka jingieit jong phi iwei ïa iwei pat bad ïa ki briew baroh ban nang ïai san bad ban man khraw ha ka jingieit jong ngi ïa phi.

1 THESSALONI 4:7

U Blei um shym la khot ïa ngi ban im ha ka jingthala, hynrei ha ka jinglongkhuid.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.

1 PETROS 1:20

La jied ïa u da U Blei ha shuwa ka jingpynlong ïa ka pyrthei bad la pynpaw ha kine ki sngi kiba khatduh na ka bynta jong phi.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.