EPHESOS 1:3 - Khasi CL Bible (BSI)

³ To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

KA BAIBL

³ Long ba la kyrkhu ïa U Blei bad U Kpa U Jisu Khrist uba U Trai jong ngi, uba la kyrkhu ïa ngi da ki jingkyrkhu bakynja mynsiem baroh ha ki jaka bneng ha U Khrist:

EPHESOS 1:3 ပူးပေါင်းရင်းမြစ်များ

JENESIS 14:20

bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

2 KHRONIKL 31:8

Haba u syiem Hesekaïah bad ki rangbah synshar jong u ki la ïohi katno ba la ai, ki ïaroh ïa U Trai bad ki ïaroh ïa ki paid Israel.

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 134:3

To ai ba U Trai, uba la thaw ïa ka bneng bad ïa ka khyndew, un kyrkhu ïa phi na Seïon!

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

ISAÏAH 61:9

Kin long kiba pawnam hapdeng ki jaitbynriew, uwei pa uwei uba ïohi ïa ki un tip ba ki long ki briew ïa kiba nga la kyrkhu.”

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

LOUKAS 2:28

u Simeon u la shim ïa u khunlung ha ki ksang'ti jong u bad u la ainguh ïa U Blei:

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

Ka Shithi U Paul Sha Ki Nong Rom 12:5

Ha kajuh ka rukom, wat la ngi long shibun, ngi long kawei ka met ha U Khrist, bad la pynïasoh iwei bad iwei pat kum ki dkhot bapher jong kawei ka met.

Ka Shithi U Paul Sha Ki Nong Rom 15:6

khnang ba ma phi baroh lang, phi lah ban ïaroh da kawei ka sur ïa U Blei bad U Kpa jong U Jisu Khrist uba U Trai jong ngi.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 12:12

U Khrist u long kum kawei ka met, kaba don shibun ki dkhot; ka long hi tang kawei ka met, wat haba la pynlong ïa ka da ki dkhot kiba ïapher.

2 KORINTH 1:3

To ngin ai ka jingnguh sha U Blei bad U Kpa jong U Jisu Khrist uba U Trai jong ngi, U Kpa ba-dap da jingisynei, U Blei na uba ka jingïarap baroh ka wan!

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 3:9

U Abraham u la ngeit bad la kyrkhu ïa u; kumta ruh ïa baroh kiba ngeit la kyrkhu kumba la kyrkhu ïa u.

EPHESOS 1:10

Kane ka jingthmu, ïa kaba U Blei un sa pyndep ha ka ïa kaba biang, ka long ban lumlang ïa ka jingpynlong baroh, ha bneng bad ha khyndew, lem bad U Khrist kum u khlieh.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

EPHESOS 1:20

Kane ka bor kaba trei ha ngi ka long kajuh kum ka jingkhlaiñbor ba u pyndonkam haba u la pynmihpat ïa U Khrist na kiba ïap, bad u la pynshong ïa u sha ka kti kamon jong u ha ka pyrthei ba kynja bneng.

EPHESOS 2:6

Ha U Khrist Jisu, la pynmihpat ïa ngi lem bad u, ba ngin ïoh synshar lem bad u ha ka pyrthei ba kynja bneng.

EPHESOS 3:10

khnang ba ha ka por ba mynta lyngba ka Balang, ki angel nongsynshar bad ki bor ha ka pyrthei ba kynja bneng ki lah ban tip ïa ka jingstad jong u ha baroh ki rukom ba-ïapher jong ki.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

HEBRU 9:23

Kito kiei kiei, ïa kiba la shim nuksa na kita kiba la sdang ha bneng, la dei ban pynkhuid ha kata ka rukom. Hynrei kita kiba kynja bneng hi ki donkam ïa ki jingkñia kiba kham bha shuh shuh.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.