EPHESOS 1:12 - Khasi CL Bible (BSI)

¹² Te ma ngi, kiba long kiba nyngkong ban kyrmen ha U Khrist, ngin ïaroh ïa ka burom U Blei!

KA BAIBL

¹² khnang ba ngin ïoh long ka jingïaroh ïa ka burom jong u, ma ngi keiñ kiba la kyrmen ha U Khrist mynshuwa;

EPHESOS 1:12 ပူးပေါင်းရင်းမြစ်များ

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 45:23

Ka jingkular jong nga ka long kaba shisha, bad kan ym kylla. Nga kular shisha da baroh kaba nga long; baroh kin wan ban dem ha khmat jong nga bad kular ba ki long hok ha nga.

ISAÏAH 45:25

Nga, U Trai, ngan pyllait im ïa baroh ki khun ki ksiew jong u Jakob, bad kin ai ka jingïaroh ïa nga.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

EPHESOS 2:7

U la leh ïa kane ban pynpaw ha ki por baroh ki ban sa wan ïa ka jingkhraw tam eh ka jingaiei jong u ha ka jingieit ïa kaba u la pyn-i sha ngi ha U Khrist Jisu.

EPHESOS 3:21

ha U Blei to long ka burom ha ka balang bad ha U Khrist Jisu na ka bynta ki por baroh, junom la junom! Amen.

2 THESSALONI 2:13

Ngi dei ban ainguh ïa U Blei ha ki por baroh na ka bynta jong phi, ko parabangeit, phi kiba U Trai u ieit. Naba U Blei u la jied ïa phi kum kiba nyngkong ban pynim da ka bor U Mynsiem ban pynlong ïa phi ki riewkhuid jong u bad da ka jingngeit jong phi ha ka jingshisha.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.