EPHESOS 1:1 - Khasi CL Bible (BSI)

¹ Na u Paul, uba da ka mon U Blei u long u Apostol jong U Khrist Jisu — Sha ki briew jong U Blei ha Ephesos, kiba ïeng skhem ha ka jingim jong ki ha U Khrist Jisu:

KA BAIBL

¹ U Paul, u apostol U Khrist Jisu da ka mon U Blei, Ha ki riewkhuid kiba don ha Ephesos, bad ha ki bangeit ha U Khrist Jisu:

EPHESOS 1:1 ပူးပေါင်းရင်းမြစ်များ

JINGKHEIÑ 12:7

Ka pher haba nga ïakren bad u shakri jong nga, u Moses. Nga la buh ïa u ban peit ïa baroh ki briew jong nga, ki Israel.

LOUKAS 16:10

Uno uno ïa uba lah ban shaniah ha kiei kiei kiba rit un long uba lah ban shaniah ha kiba kham khraw; uno uno uba leh bymhok ha kiei kiei kiba rit un long u bymhok ha kiba kham khraw.

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

KI KAM 18:19

Ki la poi ha Ephesos, ha kaba u Paul u la iehnoh ïa ka Priskila bad ïa u Akwila. U la leit sha ka synagog bad u la pynlong ka jingïaphylliew jingmut bad ki Jiw.

KI KAM 18:21

Pynban, u la ong ïa ki ha shuwa ba un mihnoh, “Lada ka long ka mon U Blei, ngan wan pat sha phi.” Bad kumta u la leit da ka lieng na Ephesos.

KI KAM 9:13

U Ananias u la jubab, “Ko Trai, bun ki briew ki la ïathuh ïa nga shaphang une u briew bad shaphang kiei kiei kiba shyrkhei kiba u la leh ïa ki briew jong me ha Jerusalem.

Ka Shithi U Paul Sha Ki Nong Rom 1:1

Na u Paul, u shakri jong U Khrist Jisu bad u apostol ba la jied bad ba la khot da U Blei ban ïalap ïa ka Khubor Babha jong u.

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

1 KORINTH 4:12

Haba la tim ïa ngi, ngi kyrkhu; haba la pynshitom ïa ngi, ngi ïaishah; haba la krenbeiñ ïa ngi, ngi pynphai kylliang da ki ktien kiba jem.

1 KORINTH 4:17

Na ka bynta kane ka jingthmu nga phah ha phi ïa u Timothi, uba long u khun ba-ieit bad baïaineh jong nga ha ka jingim kum uba ngeit. Un pynkynmaw ïa phi ïa ki nongrim kiba nga bud ha ka jingim kaba thymmai ha U Khrist Jisu bad kaba nga hikai ha ki balang baroh kiba don kylleng.

2 KORINTH 1:1

Na u Paul, u apostol U Khrist Jisu da ka mon U Blei, bad na u Timothi u para jong ngi — Sha ka balang U Blei kaba ha Korinth, bad sha ki briew jong U Blei baroh kiba ha Akhaïa:

GALATIA 1:1

Na u Paul, uba ka jingkhot ban long u Apostol kam shym la wan na u briew ne da ka rukom briew, hynrei na U Jisu Khrist bad U Blei uba U Kpa, uba la pynmihpat ïa u na ka jingïap.

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

GALATIA 3:9

U Abraham u la ngeit bad la kyrkhu ïa u; kumta ruh ïa baroh kiba ngeit la kyrkhu kumba la kyrkhu ïa u.

EPHESOS 1:15

Na kane ka daw, naduh ba nga la ïohsngew ïa ka jingngeit jong phi ha U Trai Jisu bad ka jingieit jong phi ïa ki briew jong U Blei baroh,

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

EPHESOS 2:13

Hynrei mynta, ha U Khrist Jisu, ïa phi kiba la ju long jngai la wallam hajan da ka jingïap kaba long ka jingkñia U Khrist.

EPHESOS 2:6

Ha U Khrist Jisu, la pynmihpat ïa ngi lem bad u, ba ngin ïoh synshar lem bad u ha ka pyrthei ba kynja bneng.

EPHESOS 6:21

U Tukhikos u long u parabangeit ba-ieit jong ngi, bad u shakri baïaineh ha ka kam U Trai, un ïathuh lut ïa ka khubor shaphang jong nga, khnang ba phin tip kumno nga ïaid shaphrang.

KOLOSSAI 1:2

Ha ki briew jong U Blei ha Kolossai kiba long ki parabangeit baïaineh ha U Khrist: Ai ba U Blei uba U Kpa jong ngi un ai ha phi ka jingaiei bad ka jingsuk.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.