EKSODOS 9:6 - Khasi CL Bible (BSI)

⁶ Ha ka sngi kaba bud, U Trai u la leh kumba u la ong bad ki jingri baroh jong ki nong Ijipt ki la ïap, hynrei kawei ruh na ki jingri jong ki Israel kam shym ïap.

KA BAIBL

⁶ U Trai u la leh ruh ïa kata ha kaba lashai, bad ki jingri baroh jong ka ri Ijipt ki la ïap noh: hynrei, na ki jingri jong ki khun Israel kawei ruh kam shym la ïap.

EKSODOS 9:6 ပူးပေါင်းရင်းမြစ်များ

SALM 78:48

U la pynïap ïa ki masi jong ki da u phria, bad ïa ki kynhun langbrot jong ki da ka leilieh.

SALM 78:50

Um shym la tyngkan ïa ka jingbitar jong u lane pynsah ïa ka jingim jong ki, hynrei u la pynïap ïa ki da ka khlam.

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 12:29

Hamar shiteng synñia U Trai u la pynïap ïa u khun nyngkong baroh ha Ijipt, naduh u khun nyngkong jong u Pharaoh, u ban sa kiew khet, haduh u khun nyngkong jong u koidi uba ha ïingbyndi; ïa baroh kiba la kha nyngkong na ki mrad ruh la pynïap.

EKSODOS 8:22

Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri.

EKSODOS 9:25

Kylleng ka ri Ijipt, u phria u shoh lut plain kat ïa kiba don habar, kynthup ïa ki briew bad ïa ki mrad baroh. U la pynjulor naphang ïa ki jingthung baroh ha lyngkha, bad u la pynkheiñ lut ruh ïa ki dieng baroh.

EKSODOS 9:26

Ka thain Goshen, ha kaba ki Israel ki shong ki sah, ka long tang ma ka, ka jaka ha kaba u phria um shym hap.

EKSODOS 9:4

Ngan pynïapher ïa ki jingri jong ki Israel na ki jong ki nong Ijipt, bad kumta yn ym don wat kawei ruh ka jingri ki Israel ka ban ïap noh.

EKSODOS 9:5

Ma nga, U Trai nga la buh ïa ka sngi kaba la shai kum ka por ha kaba ngan leh ïa kane.’ ”