EKSODOS 9:3 - Khasi CL Bible (BSI)

³ ngan pynshitom ïa me da kaba phah ïa ka jingpang kaba shyrkhei ha ki jingri jong me baroh — ha ki kulai, ki kada, ki ut, ki masi, ki langbrot bad ki blang jong me.

KA BAIBL

³ ha khmih, ka kti U Trai kan long halor ki jingri jong me kiba ha ka lyngkha, halor ki kulai, halor ki kadda, halor ki ut, halor ki masi de, bad halor ki langbrot ruh: kan wan ka jingïapkhlam ki mrad kaba jur eh.

EKSODOS 9:3 ပူးပေါင်းရင်းမြစ်များ

JENESIS 47:17

Kumta ki wallam ïa la ki jingri sha u Joseph; u pat u ïapli ïa ka jingbam bad ki kulai, ki langbrot, ki blang, ki jingri jingdup, bad ki kada. Ha kata ka snem u pyndap ïa ki da kaba shu ïapli bad ki jingri jingdup jong ki baroh.

SALM 39:10

Wat pynshitom shuh ïa nga; nga la jan ïap na ki jingshoh jong me.

EKSODOS 5:3

U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

AMOS 4:10

“Nga la phah ïa ka khlam ha phi kum kata kaba nga la phah ha Ijipt. Nga la pynïap ïa ki samla shynrang jong phi ha ka thma bad nga la knieh noh ïa ki kulai jong phi. Nga la pyndap ïa ki thliew khmut jong phi da ka jingiwtung ki metïap ha ki jaka shong dara jong phi. Katta ruh phim shym la wan phai pat sha nga.

KI KAM 13:11

Ka kti U Trai kan sa wan ha me mynta; men sa matlah bad men ym ïohi ïa ka jingshai jong ka sngi shipor.” Mar kumta hi u Elumas u la sngew ba u lyoh khyndew uba ïong u la tap ïa ki khmat jong u, bad u la ïaid kylleng da kaba pyrshang ban wad ïano ïano ban ïalam ïa u na ka kti.

1 SAMUEL 6:9

Nangta peit kumno ka ïaid; lada ka leit sha la ka ri Beth Shemesh, ka mut ba dei U Blei ki Israel uba la pynngat ha ngi ïa kane ka jingjynjar kaba sngewshyrkhei. Hynrei lada kam long kumta, ngin sa tip ba ym dei ma u uba la phah ïa ka khlam; ka dei kaba shu wan jia ryngkhat.”