EKSODOS 9:26 - Khasi CL Bible (BSI)

²⁶ Ka thain Goshen, ha kaba ki Israel ki shong ki sah, ka long tang ma ka, ka jaka ha kaba u phria um shym hap.

KA BAIBL

²⁶ Tang ha ka ri Goshen, ha kaba la shong ki khun Israel, ym shym la don phria.

EKSODOS 9:26 ပူးပေါင်းရင်းမြစ်များ

EKSODOS 10:23

Ki nong Ijipt kim ïohi shuh parabriew, bad ym don uwei ruh uba mih na la ïing ha kita ki sngi. Hynrei ha ka jaka ba ki Israel ki shong, ka don ka jingshai.

EKSODOS 11:7

Hynrei wat u ksew ruh un ym wiar ïa ki Israel lane ïa ki jingri jingdup jong ki. Te men tip ba nga U Trai nga pynïapher hapdeng ki nong Ijipt bad ki Israel.’ ”

EKSODOS 12:13

Ka snam ha ki shawkad kan long ka dak ban pyn-i ïa ki ïing ha kiba phi shong. Haba nga ïohi ïa kata ka snam, ngan ïaid lait na phi, bad ngan ym ktah ïa phi haba nga pynshitom ïa ki nong Ijipt.

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

EKSODOS 9:4

Ngan pynïapher ïa ki jingri jong ki Israel na ki jong ki nong Ijipt, bad kumta yn ym don wat kawei ruh ka jingri ki Israel ka ban ïap noh.

EKSODOS 9:6

Ha ka sngi kaba bud, U Trai u la leh kumba u la ong bad ki jingri baroh jong ki nong Ijipt ki la ïap, hynrei kawei ruh na ki jingri jong ki Israel kam shym ïap.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.