EKSODOS 9:24 - Khasi CL Bible (BSI)

²⁴ Ka la long ka 'erïong kaba jur tam ba ka Ijipt ka la mad ha ka histori jong ka baroh.

KA BAIBL

²⁴ Kumta, la don u phria, bad ka ding ba la ïakhleh lem bad uta u phria bapynshitom eh, ym shym la don kat uta ha ka ri Ijipt baroh naduh ba ka la man jaid bynriew.

EKSODOS 9:24 ပူးပေါင်းရင်းမြစ်များ

Ka Kitab U Job 38:23

Nga la buh pynkhreh ïa ki na ka bynta ki por jingjynjar, bad na ka bynta ki sngi ka jingïaleh thma bad ka thma.

SALM 105:32

U la phah ïa u phria bad ka leilieh ha ka ri jong ki ha ka jaka jong u slap;

SALM 18:13

Nangta U Trai u la kyrhuh na ka suiñbneng; bad ïa ka sur jong U Bahakhlieh Tam Eh la ïohsngew.

EKSODOS 10:6

Kin dap ha ki ïingsyiem jong me, bad ha ki ïing jong ki rangbah synshar bad ki briew jong me baroh. Kin long kiba kham sniew ban ïa kano kano kaba ki kpa tymmen jong me ki la ju ïohi.’ ” Nangta u Moses u phai bad u mihnoh.

EKSODOS 9:18

Lashai hamar kane ka por, ngan pynhap da u phria uba jur, uba kat uta ka ri Ijipt kam pat ju tip mynno mynno ha ka histori jong ka.

EKSODOS 9:23

Kumta u Moses u rah ïa la u diengduh shajrong, bad U Trai u phah ïa u pyrthat bad ïa u phria, bad ka leilieh ruh ka la tied ïa ka khyndew. U Trai u phah ïa u phria uba jur, lem bad ka leilieh kaba thaba.

EKSODOS 9:25

Kylleng ka ri Ijipt, u phria u shoh lut plain kat ïa kiba don habar, kynthup ïa ki briew bad ïa ki mrad baroh. U la pynjulor naphang ïa ki jingthung baroh ha lyngkha, bad u la pynkheiñ lut ruh ïa ki dieng baroh.

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ESEKIEL 1:4

Nga la khmied, bad nga la ïohi ïa ka 'erïong ba ka wan na shaphang shatei. Ka leilieh ka thaba na u lyoh uba rben, bad ka sahit bneng sawdong jong u, ka phyrnai. Ha ka jaka ba ka leilieh ka thaba, don kaei kaei kaba phyrnai kum ka rnong.

ESEKIEL 13:13

Mynta kane ka dei kaei kaba U Trai Nongsynshar u ong: “Ha ka jingbitar jong nga ngan phah ïa ka lyer bajur, u slap bajur, bad u phria ban pynjot ïa ka kynroh.

MATHAÏOS 24:21

Namar ka jingjynjar ha kata ka por kan kham shyrkhei ban ïa kano kano kaba la ju jia, naduh kaba sdang jong ka pyrthei haduh kane ka sngi. Lymne ba yn don pat kano kano kum kane.