EKSODOS 9:23 - Khasi CL Bible (BSI)

²³ Kumta u Moses u rah ïa la u diengduh shajrong, bad U Trai u phah ïa u pyrthat bad ïa u phria, bad ka leilieh ruh ka la tied ïa ka khyndew. U Trai u phah ïa u phria uba jur, lem bad ka leilieh kaba thaba.

KA BAIBL

²³ Bad u Moses u la kner ïa la u diengduh sha bneng: bad U Trai u la phah da ki pyrthat bad da u phria, bad ka ding ruh ka la nang pur halor ka khyndew; bad U Trai u la pynhap ïa u phria halor ka ri Ijipt.

EKSODOS 9:23 ပူးပေါင်းရင်းမြစ်များ

JENESIS 19:24

Mar kumta hi, U Trai u pynhap ïa u kyndok ding ha ki nongbah Sodom bad Gomorrah,

Ka Kitab U Job 37:13

U Blei u phah ïa u slap ban ai um ïa ka khyndew; u lah ban phah ïa u ban pynshitom ïa ngi, lane ban pyn-i ïa ka jingsngewbha jong u.

SALM 147:17

U phah ïa u phria kum u mawria; ym don uba lah ban shah ïa ka jingkhriat ba u phah!

SALM 148:8

phi ka leilieh bad u phria, ka ïor bad ki lyoh, ki lyer bakhlaiñ kiba kohnguh ïa ka hukum jong u.

SALM 18:13

Nangta U Trai u la kyrhuh na ka suiñbneng; bad ïa ka sur jong U Bahakhlieh Tam Eh la ïohsngew.

SALM 29:3

Ka sur jong U Trai ka sawa ha ki duriaw; U Blei badonburom u kyrhuh, bad ka sur jong u ka sawa halor ki duriaw-bah.

SALM 77:18

Ka jingtied u pyrthat ka mih shabar, bad ki jingthaba jong ka leilieh ki pynshai ïa ka pyrthei; ka khyndew ka khynñiuh bad ka khih.

EKSODOS 19:16

Ha ka step jong ka sngi kaba lai, la don u pyrthat bad ka leilieh, u lyoh uba rben u la paw halor u lum, bad la ïohsngew ïa ka turoi kaba sawa jam. Baroh ki briew kiba don ha ka jaka sher dara ki la kyiuh da ka jingsheptieng.

EKSODOS 20:18

Haba ki paidbah ki la ïohsngew ïa ka jingtied u pyrthat bad ïa ka jingsawa ka turoi, bad ïohi ïa ka leilieh bad ïa uta u lum uba mih tdem, ki la kyiuh da ka jingsheptieng bad ki la ïeng noh sha jngai.

EKSODOS 9:18

Lashai hamar kane ka por, ngan pynhap da u phria uba jur, uba kat uta ka ri Ijipt kam pat ju tip mynno mynno ha ka histori jong ka.

EKSODOS 9:24

Ka la long ka 'erïong kaba jur tam ba ka Ijipt ka la mad ha ka histori jong ka baroh.

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ESEKIEL 38:22

Ngan pynshitom ïa u da ka jingpang bad ka jingïa-umsnam. Ïa u 'lapbah 'lapsan bad u phria, ryngkat bad ka ding bad u kyndok, ngan theh noh ha u bad ha ka kynhun shipai jong u, bad halor kiba bun ki jaitbynriew kiba ïashah liang bad u.

JOSHUA 10:11

Katba ki Amor ki dang phet arsut na ka khim lum na ki shipai Israel, U Trai u pynhap halor jong ki ïa u phria uba heh baroh shi lynter lynti haduh Asekah. Kham bun ki la ïap na u phria ban na kaba ki shah pynïap ha ki Israel.

JINGPYNPAW 16:18

La don ki jingthaba leilieh, ki jingkyrhuh bad jingtied pyrthat, bad u jumai uba shyrkhei. Ym pat ju don kum uta u jumai naduh ba la thaw ïa u khunbynriew; une u la long u jumai uba jur tam na baroh!

JINGPYNPAW 16:21

Ki phria kiba heh, uwei uwei uba khia kat sanphew kilo, ki la hap na sahit bneng ha ki briew, kiba la tim ïa U Blei namar ka khlam jong u phria, namar ka la long ka khlam kaba shyrkhei eh.

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.