EKSODOS 9:16 - Khasi CL Bible (BSI)

¹⁶ Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

KA BAIBL

¹⁶ hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

EKSODOS 9:16 ပူးပေါင်းရင်းမြစ်များ

2 SAMUEL 7:23

Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

2 SYIEM 19:35

Ha kata ka miet u angel jong U Trai u leit sha ka jaka sher dara ki Assyria bad u pynïap shi lakh phraphew san hajar ki shipai. Dang step phyrngab ha ka sngi kaba bud, hangta ki la thiah lyngktar, baroh kiba la ïap!

1 KHRONIKL 16:24

Pynbna ïa ka burom jong u ha ki jaitbynriew, ïa ki kam bakhrawbor ha ki briew.

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

SALM 106:8

Hynrei u la pynim ïa ki, kumba u la kular, khnang ban pyn-i ïa ka bor bakhraw jong u.

SALM 64:9

Ki baroh kin sheptieng; kin pyrkhat shaphang kaei kaba U Blei u la leh, bad kin ïathuh shaphang ki kam jong u.

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

EKSODOS 9:15

Lada nga la rah ïa la ka kti bad shoh ïa me bad ki briew jong me da ka jingpang, phin jin da la ïap lut khoit.

EKSODOS 9:17

Pynban me dang sngew hangamei, bad me kyntait ban pyllait ïa ki briew jong nga.

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

JEREMAÏAH 32:20

Naduh mynbarim, me la leh ïa ki kambah bad ki jingphylla ha Ijipt, bad me ïai leh ïa ki haduh kane ka sngi, ha Israel bad hapdeng kiwei ki hima baroh, ba kumta ïa me mynta la tip kylleng sawdong.

ESEKIEL 39:21

U Trai u la ong, “Ngan shah ïa ki jaitbynriew ba kin ïohi ïa ka burom jong nga; bad ngan pynpaw ha ki kumno nga pyndonkam ïa ka bor jong nga ban pyndep ïa ki jingrai bahok jong nga.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

JINGKHEIÑ 14:21

Hynrei nga kular skhem ba kumba nga long uba im bad kumba ka jingdon jong nga ka dap ïa ka pyrthei baroh,

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

JOSHUA 4:24

Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”

1 PETROS 2:19

U Blei un kyrkhu ïa phi na ka bynta kane, lada phi ïaishah ïa ka jingpang na ka jingshahshitom bymdei hok namar phi tip ïa ka mon jong u.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.

1 SAMUEL 4:8

Uei keiñ uba lah ban pyllait ïa ngi na kine ki blei kiba khlaiñbor? Kine ki dei kita ki blei kiba la shoh ïap ïa ki Ijipt ha ka ri shyiap!