EKSODOS 8:9 - Khasi CL Bible (BSI)

⁹ U Moses u phai ktien, “Ngan da sngewbha eh ban duwai na ka bynta jong phi. Buh da ka por lano nga dei ban kyrpad na ka bynta jong phi, na ka bynta ki rangbah pynïaidkam jong phi, bad na bynta ki briew jong phi. Te phin sa lait na kine ki jakoid, bad kin ym don shuh hangno hangno lait sa tang ha ka wah Nile.”

KA BAIBL

⁹ Bad u Moses u la ong ha u Pharaoh, “To ïoh kane ka burom halor jong nga: hamar kano ka por ba ngan kyrpad na ka bynta jong me, bad na ka bynta ki shakri jong me, bad na ka bynta ki briew jong me, ïa ka ban pynduh noh ïa kine ki jakoid na me hi, bad na ki ïing jong me ruh, ba kin long sa tang ha kata ka wah?”

EKSODOS 8:9 ပူးပေါင်းရင်းမြစ်များ

1 SYIEM 18:25

Nangta u Elijah u ong ïa ki nongïathuhlypa jong u Baal, “Namar ba phi kham ïabun, shim shuwa ma phi ïa u masi dab. Duwai ha u blei jong phi, tangba phim dei ban ai ding ïa ki diengthang.”

EKSODOS 7:25

Hynñiew sngi ki la leit hadien ba U Trai U la shoh ïa ka wah.

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 8:11

Ma phi, ki rangbah pynïaidkam jong phi, bad ki briew jong phi, phin sa lait na kine ki jakoid, bad kin ym don shuh hangno hangno lait sa tang ha ka wah Nile.”

EKSODOS 8:8

U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”

ISAÏAH 10:15

Hynrei U Trai u ong, “Hato u sdie un kam ba u kham khraw ban ïa uta uba pyndonkam ïa u? Hato ka kurat ka long kaba kham donkam ban ïa uta uba tar da ka? U dieng tangon um rah ïa u briew; u briew u rah ïa u dieng tangon.”

JINGKHEIÑ 14:20

U Trai u jubab, “Ngan map ïa ki kumba me la kyrpad.

NONGBISHAR 7:2

U Trai u ong ha u Gideon, “Ki rangbah kiba me don, ki la bun eh ïa nga ban ai ha ki ka jingjop halor ki Midian. Ki lah ban pyrkhat ba ki la jop da lade hi, bad kumta kim ai burom ïa nga.