EKSODOS 8:28 - Khasi CL Bible (BSI)

²⁸ U Pharaoh u ong, “Ngan shah ba phin ïaleit ban ai jingkñia ha U Trai U Blei jong phi ha ka ri shyiap; lada phim leit jngai than. Duwai na ka bynta jong nga.”

KA BAIBL

²⁸ Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 8:28 ပူးပေါင်းရင်းမြစ်များ

1 SYIEM 13:6

U Syiem Jeroboam u ong ha u nongïathuhlypa, “Sngewbha duwai na ka bynta jong nga ha U Trai U Blei jong phi, bad kyrpad ba un pynkhiah ïa ka kti jong nga!” U nongïathuhlypa u la duwai ha U Trai, bad la pynkhiah ïa ka kti jong u syiem.

ESRA 6:10

Ïa kane dei ban leh khnang ba ki lah ban ai ki jingkñia ba pdiang hun ha U Blei jong ka Bneng bad duwai ïa ka jingkyrkhu jong u halor jong nga bad ki khun shynrang jong nga.

EKSODOS 10:17

Mynta ha kane ka sien to map ïa ka pop jong nga bad duwai ha U Trai U Blei jong phi ban shim noh na nga ïa kane ka jingpynshitom kaba shyrkhei na nga.”

EKSODOS 3:19

Nga tip ba u Pharaoh un ym shah ïa phi ban leit lymda la pynbor ïa u ban leh kumta.

EKSODOS 7:13

U Pharaoh, pynban, u la ïai mutlop bad kumba U Trai u la ong, u Pharaoh um shym shahshkor ïa u Moses bad u Aaron.

EKSODOS 8:15

Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.

EKSODOS 8:29

U Moses u jubab, “Nga tang shu mih nangne, ngan kyrpad ïa U Trai ba la shai ka sngi ki skain kin phet noh na phi, na ki rangbah synshar jong phi, bad na ki briew jong phi. Hynrei phim dei ban shukor shuh ïa ngi bad khang ïa ki briew ban leit kñia ha U Trai.”

EKSODOS 8:8

U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”

EKSODOS 9:28

To duwai ha U Trai! Ngi la shah la biang ïa une u pyrthat bad u phria! Nga kular ban pyllait ïa phi; phim donkam ban dang sah shuh hangne.”

EKLESIASTIS 6:10

Kaei kaei kaba jia ka dei kaba la rai lypa slem bah mynshuwa, bad ngi baroh ngi tip ba phim lah ban ïania bad uno uno uba kham khlaiñ ban ïa phi.

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

KI KAM 8:24

U Simon u la ong ha u Petros bad u Ïoannis, “Sngewbha duwai ha U Trai na ka bynta jong nga, khnang ba kawei ruh na kita kiei kiei kiba phi la kren kan ym jia ha nga.”