EKSODOS 8:27 - Khasi CL Bible (BSI)

²⁷ Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”

KA BAIBL

²⁷ Lai sngi lynti ngin ïaleit sha kata ka ri khlaw, ïa ka ban kñia ha U Trai U Blei jong ngi, katba un hukum ïa ngi.”

EKSODOS 8:27 ပူးပေါင်းရင်းမြစ်များ

EKSODOS 10:26

Em, ngin ïalam ïa ki mrad jong ngi lem bad ngi; yn ym don kawei ruh ïa ka ban iehnoh shadien. Ngin sa jied hi ïa ki mrad da kiba ngin mane ïa U Trai U Blei jong ngi. Bad katba ngim pat poi hangta, ngin ym tip ki jingri kiba kumno ngin kñia ha u.”

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 34:11

Kohnguh ïa ki hukum kiba nga ai ha phi mynta ka sngi. Ngan beh noh ïa ki Amor, ki Kanaan, ki Hit, ki Peris, ki Hib, bad ki Jebus, katba phi nang tur sha khmat.

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 5:3

U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

LEBITIKOS 10:1

U Nadab bad u Abihu, ki khun shynrang jong u Aaron, ki shim ïa la ki khiew thang jingiwbih, ki buh rnga ding ha ki, ki thang ïa ka jingiwbih hangta, bad ki kñia ainguh ïa ka ha U Trai. Hynrei kane ka ding ka long ka bymkhuid, namar U Trai um shym la hukum ïa ki ban leh kumta.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”