EKSODOS 8:26 - Khasi CL Bible (BSI)

²⁶ Hynrei u Moses u jubab, “Kam long kaba dei ba ngin leh kumta, namar ki nong Ijipt kin thut haba ngin kñia ïa ki mrad kiba ngi ai sha U Trai U Blei jong ngi. Lada ngi pyndonkam ïa kine ki mrad bad pynmong ïa ki nong Ijipt da kaba kñia ïa kine ki jingri ha ka jaka ba ki lah ban ïohi, kin sa lynthem maw ïa ngi.

KA BAIBL

²⁶ U Moses te u la ong, “Kam bit ban leh kumta; namar ngin kñia ïa ka jingisih ki Ijipt ha U Trai uba U Blei jong ngi: ha khmih, lada ngin ïakñia ïa ka jingisih ki Ijipt ha khmat jong ki, hato kin ym lynthem ïa ngi?

EKSODOS 8:26 ပူးပေါင်းရင်းမြစ်များ

JENESIS 43:32

Ïa u Joseph la ai ha kawei ka miej, bad ïa ki hynmen jong u ha kawei pat. Ki nong Ijipt kiba ïabam hangta ruh ki shong kyrpang, namar ki kheiñ poh ban ïashong bam ryngkat bad ki Hebru.

JENESIS 46:34

phin jubab ba phi dei ki nongri jingri baroh shi jingim kumba long ki kpa tymmen jong phi. Kumta keiñ un shah ïa phi ban shong ha Goshen; namar ki nong Ijipt kim kwah kano kano ka jingïadei bad ki nongap langbrot.”

2 SYIEM 23:13

U Josaïah u la ñiewsang ïa ki duwan ba u syiem Solomon u la tei shaphang mihngi ka Jerusalem, shaphang shathie jong u Lum ki Olib, na ka bynta ban mane ïa ki bleithaw ba-ijli ― ka Astarte ka blei ki Sidon, u Khemosh u blei ki Moab bad u Molekh u blei ki Ammon.

ESRA 9:1

Hadien ba la pyndep ïa kane baroh, katto katne ngut na ki nongïalam jong ki Israel ki wan bad ïathuh ïa nga ba ki briew, ki lyngdoh bad ki Lebi kim shym la pynkyrpang ïa lade na ki briew jong ki ri ba-marjan jong ki Ammon, Moab, bad Ijipt lane na ki Kanaan, ki Hit, ki Peris, ki Jebus bad ki Amor. Baroh na ki, ki la leh ïa kijuh kiei kiei kiba ijli kiba kito ki briew ki la leh.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 8:8

U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”

ISAÏAH 44:19

U nongshna ïa ki bleithaw um don ka jingpuson ne ka jingshemphang ban ong, “Khyndiat na ka dieng nga thang duh. Nga shet khyndiat u kpu halor ki rnga bad nga syang doh bad nga la bam ïa ka. Bad kaba sah na ka dieng nga shna bleithaw. Hangne nga don ban nguh dem ïa u dieng tylli!”