EKSODOS 8:22 - Khasi CL Bible (BSI)

²² Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri.

KA BAIBL

²² Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

EKSODOS 8:22 ပူးပေါင်းရင်းမြစ်များ

JENESIS 46:34

phin jubab ba phi dei ki nongri jingri baroh shi jingim kumba long ki kpa tymmen jong phi. Kumta keiñ un shah ïa phi ban shong ha Goshen; namar ki nong Ijipt kim kwah kano kano ka jingïadei bad ki nongap langbrot.”

SALM 110:2

Na Seïon U Trai un pynïar ïa ka bor syiem jong me. “To synshar halor ki nongshun jong me,” u ong.

SALM 74:12

Hynrei me la long u syiem jong ngi naduh kaba sdang, A Blei; me la pyllait im ïa ngi bunsien.

EKSODOS 10:23

Ki nong Ijipt kim ïohi shuh parabriew, bad ym don uwei ruh uba mih na la ïing ha kita ki sngi. Hynrei ha ka jaka ba ki Israel ki shong, ka don ka jingshai.

EKSODOS 12:13

Ka snam ha ki shawkad kan long ka dak ban pyn-i ïa ki ïing ha kiba phi shong. Haba nga ïohi ïa kata ka snam, ngan ïaid lait na phi, bad ngan ym ktah ïa phi haba nga pynshitom ïa ki nong Ijipt.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 20:11

Ha ki hynriew sngi, ma nga, U Trai, nga la thaw ïa ka bneng, ïa ka khyndew, ïa ka duriaw, bad ïa kiei kiei baroh kiba don ha ki, hynrei ha ka sngi kaba hynñiew nga la shongthait. Namar kata, nga U Trai, nga la kyrkhu ïa ka Sabbaton, bad nga la pynkyntang khuid ïa ka.

EKSODOS 7:17

Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 8:21

Lada mem treh, ngan pynshitom ïa me da kaba phah ïa ki skain sha me, sha ki rangbah synshar jong me, bad sha ki briew jong me. Ki ïing jong ki nong Ijipt bad ka madan madiah baroh kin dap da ki skain suda.

EKSODOS 8:23

Ngan pynïapher hapdeng ki briew jong nga bad ki briew jong me. Kane ka kambah kan jia lashai.’ ”

EKSODOS 9:26

Ka thain Goshen, ha kaba ki Israel ki shong ki sah, ka long tang ma ka, ka jaka ha kaba u phria um shym hap.

EKSODOS 9:29

U Moses u ong ha u, “Nga tang shu poi shabar kane ka shnong, ngan duwai ha U Trai. U pyrthat un sangeh, bad u phria un ym hap shuh, ba phin ïoh tip ba ka pyrthei ka long ka jong U Trai.

EKSODOS 9:4

Ngan pynïapher ïa ki jingri jong ki Israel na ki jong ki nong Ijipt, bad kumta yn ym don wat kawei ruh ka jingri ki Israel ka ban ïap noh.

EKSODOS 9:6

Ha ka sngi kaba bud, U Trai u la leh kumba u la ong bad ki jingri baroh jong ki nong Ijipt ki la ïap, hynrei kawei ruh na ki jingri jong ki Israel kam shym ïap.

ESEKIEL 30:19

Haba nga pynshitom ïa ka Ijipt ha kane ka rukom, kin tip ba nga long U Trai.”

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”