EKSODOS 8:20 - Khasi CL Bible (BSI)

²⁰ U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

KA BAIBL

²⁰ Te U Trai u la ong ha u Moses, “To khie la dang step lashai, to ïeng ruh ha khmat u Pharaoh; ha khmih, u wan mih sha kata ka um; to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh shakri ïa nga.

EKSODOS 8:20 ပူးပေါင်းရင်းမြစ်များ

SALM 105:31

U Blei u la hukum, bad ki skain bad ki mait ki la dap kylleng ïa ka ri baroh kawei.

SALM 78:45

U la phah ïa ki skain hapdeng jong ki, kiba pynkordit ïa ki, bad ïa ki jakoid kiba pynjot ïa ka ri jong ki.

EKSODOS 2:5

Ka khun u Pharaoh ka la wan hiar sha ka wah ban sum, katba ki shakri kynthei jong ka pat ki nang ïa-ïaid kai harud wah. Kynsan ka la ïohi ïa kata ka shang hapdeng ki khah, bad ka phah ïa ka mraw ban leit shim ïa ka.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 5:3

U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

EKSODOS 7:15

Kumta khie leit bad ïakynduh ïa u mynstep ha ka por ba u leit hiar sha ka wah Nile. Rah bad me ïa u diengduh ïa uba la pynkylla bseiñ, bad ap ïa u harud wah.

EKSODOS 8:1

Nangta U Trai u la ong ha u Moses, “Khie leit sha u Pharaoh bad ïathuh ha u ba U Trai u ong, ‘Shah ïa ki briew jong nga ban leit, khnang ba ki lah ban mane ïa nga.

EKSODOS 8:21

Lada mem treh, ngan pynshitom ïa me da kaba phah ïa ki skain sha me, sha ki rangbah synshar jong me, bad sha ki briew jong me. Ki ïing jong ki nong Ijipt bad ka madan madiah baroh kin dap da ki skain suda.

EKSODOS 9:13

Te U Trai u ong ha u Moses, “Lashai dang step, leit ïakynduh ïa u Pharaoh bad ïathuh ha u ba U Trai, U Blei jong ki Hebru, u ong, ‘Pyllait ïa ki briew jong nga, khnang ba ki lah ban mane ïa nga.