EKSODOS 8:19 - Khasi CL Bible (BSI)

¹⁹ Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

KA BAIBL

¹⁹ Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

EKSODOS 8:19 ပူးပေါင်းရင်းမြစ်များ

JENESIS 41:24

Nga la ïathuh ïa ki jingphohsniew ha ki nongleh myntor, hynrei ym don uwei ruh na ki uba lah ban batai ïa ki ha nga.”

SALM 8:3

Haba nga khmih ïa ka sahit bneng kaba me la thaw, ïa u bnai bad ki khlur, kiba me la buh ha ki jaka jong ki —

EKSODOS 10:23

Ki nong Ijipt kim ïohi shuh parabriew, bad ym don uwei ruh uba mih na la ïing ha kita ki sngi. Hynrei ha ka jaka ba ki Israel ki shong, ka don ka jingshai.

EKSODOS 10:7

Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 11:7

Hynrei wat u ksew ruh un ym wiar ïa ki Israel lane ïa ki jingri jingdup jong ki. Te men tip ba nga U Trai nga pynïapher hapdeng ki nong Ijipt bad ki Israel.’ ”

EKSODOS 7:13

U Pharaoh, pynban, u la ïai mutlop bad kumba U Trai u la ong, u Pharaoh um shym shahshkor ïa u Moses bad u Aaron.

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

EKSODOS 9:26

Ka thain Goshen, ha kaba ki Israel ki shong ki sah, ka long tang ma ka, ka jaka ha kaba u phria um shym hap.

EKSODOS 9:4

Ngan pynïapher ïa ki jingri jong ki Israel na ki jong ki nong Ijipt, bad kumta yn ym don wat kawei ruh ka jingri ki Israel ka ban ïap noh.

DANIEL 2:19

Te ha kata kajuh ka miet ïa ka jingmaïan la pynpaw ha u Daniel ha ka jingïohipaw, bad u la ïaroh ïa U Blei ka bneng:

MATHAÏOS 12:28

Em, ym dei u Beelsebul, hynrei U Mynsiem U Blei, uba ai ha nga ka bor ban beh noh ïa ki ksuid, kaba pynshisha ba ka Hima U Blei ka la da wan lypa ha phi.

LOUKAS 11:20

Em, ka long pynban da ka bor ka jong U Blei ba nga beh noh ïa ki ksuid, bad kane ka pynshisha ba ka Hima jong U Blei ka la da wan ha phi.

ÏOANNIS 11:47

Kumta ki Pharisi bad ki rangbah lyngdoh ki la lum ïa ka dorbar bad ki la ong, “Ngin ïaleh kumno? Peit ïa ki kambah baroh kiba une u briew u la leh!

KI KAM 4:16

“Kaei kaba ngin leh ïa kine ki briew?” ki la kylli. “Uwei uwei baroh ha Jerusalem u tip ba ïa kane ka kambah kaba pher la leh da ma ki, bad ngim lah ban len ïa ka.

1 SAMUEL 6:3

Ki la jubab, “Lada phi pynphai ïa ka Synduk ka Jutang jong U Blei ki Israel, phi dei da shisha ban phah bad ka ïa ka jingai sngewbha sha u ban siew noh na ka bynta ka pop jong phi. Ka Synduk ka Jutang kam dei ban leit noh khlem ka jingai sngewbha. Da kumne, yn pynkoit ïa phi bad phin sa sngewthuh balei ba u ïai pynshitom ïa phi.”

1 SAMUEL 6:9

Nangta peit kumno ka ïaid; lada ka leit sha la ka ri Beth Shemesh, ka mut ba dei U Blei ki Israel uba la pynngat ha ngi ïa kane ka jingjynjar kaba sngewshyrkhei. Hynrei lada kam long kumta, ngin sa tip ba ym dei ma u uba la phah ïa ka khlam; ka dei kaba shu wan jia ryngkhat.”