EKSODOS 8:10 - Khasi CL Bible (BSI)

¹⁰ U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

KA BAIBL

¹⁰ U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 8:10 ပူးပေါင်းရင်းမြစ်များ

2 SAMUEL 7:22

Katno me long uba khraw; A Trai Nongsynshar! Ym don uwei pat uba kum ma me, ngi la ju tip ba dei tang ma me hi uba long U Blei.

1 KHRONIKL 17:20

Ko Trai, ym don uwei pat kum ma me; ngi tip borabor ba me long tang ma me marwei U Blei.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

SALM 86:8

Ym don u blei kum ma me, A Trai, ym don uba leh kum kaei kaba me la leh.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 8:9

U Moses u phai ktien, “Ngan da sngewbha eh ban duwai na ka bynta jong phi. Buh da ka por lano nga dei ban kyrpad na ka bynta jong phi, na ka bynta ki rangbah pynïaidkam jong phi, bad na bynta ki briew jong phi. Te phin sa lait na kine ki jakoid, bad kin ym don shuh hangno hangno lait sa tang ha ka wah Nile.”

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

EKSODOS 9:29

U Moses u ong ha u, “Nga tang shu poi shabar kane ka shnong, ngan duwai ha U Trai. U pyrthat un sangeh, bad u phria un ym hap shuh, ba phin ïoh tip ba ka pyrthei ka long ka jong U Trai.

PROBERB 27:1

Wat sarong shaphang kaba lashai. Phim tip aïu kan jia hapdeng mynta bad hadien.

ISAÏAH 40:18

Badno lah ban nujor ïa U Blei? Kumno phi lah ban batai kaei ba u long?

ISAÏAH 40:25

Badno lah ban ïanujor ïa U Blei bakhuid? Don uno uno ba kum ma u?

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

DEUTERONOMI 3:24

‘Ko Trai Nongsynshar, me la pyn-i ha la u shakri dang tang ïa kaba sdang jong ki kam kiba khraw bad kiba phylla jong me. Ym don blei ha bneng ne ha khyndew uba lah ban leh ïa ki kam kiba khraw kiba me, me la leh!

DEUTERONOMI 32:31

Ki nongshun jong ki, ki tip ba ki blei jong ki, ki tlot, kim long kiba donbor kum U Blei ki Israel.

DEUTERONOMI 33:26

Ko Israel, ym don u blei uba kum U Blei jong phi, Uba ïaid ha ka burom ha sahit bneng, Uba ïaid ha ki lyoh ban wan ïarap ïa phi.

DEUTERONOMI 4:35

U Trai u la pynpaw ha phi ïa kane, ban pynshisha ha phi ba tang ma u hi u long U Blei, bad ba ym don uwei pat lait na u.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

JAKOB 4:14

Phim tip wat ïa kaei ka ban jia ïa ka jingim jong phi ha ka lashai! Phi long kum ka tdem, kaba paw tang shipor bad nangta ka jah noh.