EKSODOS 7:5 - Khasi CL Bible (BSI)

⁵ Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

KA BAIBL

⁵ Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

EKSODOS 7:5 ပူးပေါင်းရင်းမြစ်များ

SALM 138:7

Haba la ker sawdong ïa nga da ki jingjynjar, me ri sumar ïa nga. Me ïeng pyrshah ïa ki nongshun ba bitar jong nga bad me pyllait im ïa nga da ka bor jong me.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 10:7

Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 14:18

Ynda nga la jop ïa ki, ki nong Ijipt kin tip ba nga long U Trai.”

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 18:8

U Moses u la ïathuh ha u Jethro ïa kaei kaei baroh kaba U Trai u la leh ïa u Pharaoh bad ïa ki nong Ijipt khnang ba un ïoh pyllait im ïa ki Israel. U la ïathuh ruh ha u ïa ki jingeh ba ki Israel ki la ïakynduh ha lynti bad kumno U Trai u la pyllait im ïa ki.

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 6:1

Nangta U Trai u la ong ha u Moses, “Mynta men sa ïohi aïu ngan leh ïa u Pharaoh. Ngan pynbor ïa u ban shah ïa ki briew jong nga ban leit. Ha ka jingshisha, ngan pynbor ïa u ban beh noh ïa ki na ka ri jong u.”

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

EKSODOS 7:17

Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

EKSODOS 8:22

Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri.

ESEKIEL 25:17

Ngan pynshitom jur ïa ki bad pynhiarkput pura halor jong ki. Kin mad ïa ka jingbitar jong nga. Te kin sa tip ba nga long U Trai.”

ESEKIEL 28:22

Ïathuh ïa ki briew hangta ïa kaei kaba ma nga, U Trai Nongsynshar, nga ong shaphang jong ki: Nga long u nongshun jong pha, ko Sidon; ki briew kin ïaroh ïa nga namar kaei kaba nga leh ïa pha. Kin ïoh tip ba nga long U Trai, haba nga pyn-i katno uba khuid nga long da kaba pynshitom ïa kito kiba im hapdeng jong pha.

ESEKIEL 32:15

Ynda nga la pynlong kynjah ïa ka Ijipt bad pynjot noh ïa baroh kiba shong ha ka, kin sa tip ba nga long U Trai.

ESEKIEL 36:23

Ynda haba ngan pynpaw ha ki jaitbynriew ïa ka jingkhuid ka kyrteng bakhraw jong nga — ka kyrteng ïa kaba phi la pynjahburom hapdeng jong ki — te kin sa tip ba nga long U Trai. Ma nga, U Trai Nongsynshar, nga la kren. Ngan pyndonkam ïa phi ban pyn-i ha ki jaitbynriew ba nga long uba khuid.

ESEKIEL 39:22

Ki Israel kin tip naduh kata ba nga long U Trai U Blei jong ki.

ESEKIEL 39:7

Ngan pynthikna ba ki briew jong nga ki Israel kin tip ïa ka kyrteng bakhuid jong nga, bad ngan ym shah shuh ba ïa ka kyrteng jong nga yn pynjahburom. Te ki jaitbynriew kin tip ba ma nga, U Trai, nga long U Blei U Bakhuid jong ki Israel.”