EKSODOS 7:17 - Khasi CL Bible (BSI)

¹⁷ Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

KA BAIBL

¹⁷ Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

EKSODOS 7:17 ပူးပေါင်းရင်းမြစ်များ

1 SYIEM 20:28

U nongïathuhlypa u la leit sha u syiem Ahab bad ong, “Kane ka long kaei kaba U Trai u ong: ‘Namar ba ki Syria ki ong ba nga long u blei jong ki lum bad ym jong ki jaka madan, ngan sa ai jingjop ïa phi halor ka kynhun shipai bakhraw jong ki, bad ma phi bad ki briew jong phi kin tip ba nga long U Trai.’ ”

2 SYIEM 19:19

Mynta, A Trai U Blei jong ngi, to pyllait ïa ngi na ki Assyria, khnang ba baroh ki hima ka pyrthei kin tip ba tang ma me hi, U Trai, me long U Blei.”

SALM 105:29

U la pynkylla ïa ki wah jong ki sha ka snam bad pynïap ïa baroh ki dohkha jong ki.

SALM 78:44

U la pynkylla snam ïa ki wah, bad ki nong Ijipt kim don um shuh ban dih.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 4:9

Lada jia ba kim ngeit ïa kine ki kambah baroh ar, bad lada ki kyntait ban shahshkor ïa kaba me ong, shim khyndiat ka um na ka wah Nile bad theh ïa ka ha ka khyndew. Kata ka um kan sa kylla snam.”

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKSODOS 7:20

Nangta U Moses bad u Aaron ki la leh kumba U Trai u la hukum. Ha khmat jong u Pharaoh bad ha khmat ki rangbah pynïaidkam jong u, u Aaron u la rah ïa la u diengduh bad u tied ïa ka sla um jong ka wah Nile, bad ka um baroh ka la kylla snam.

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

ESEKIEL 25:17

Ngan pynshitom jur ïa ki bad pynhiarkput pura halor jong ki. Kin mad ïa ka jingbitar jong nga. Te kin sa tip ba nga long U Trai.”

ESEKIEL 29:9

Ka Ijipt kan long kaba suda khlem jingmyntoi. Te phin tip ba nga long U Trai. “Namar me la ong ba ka wah Nile ka dei ka jong me bad ba me la pynlong ïa ka,

ESEKIEL 30:19

Haba nga pynshitom ïa ka Ijipt ha kane ka rukom, kin tip ba nga long U Trai.”

ESEKIEL 30:8

Haba nga tbeh ding ha ka Ijipt bad ïa ki nongkyrshan jong ka baroh yn pynïap, te ki tip ba nga long U Trai.

ESEKIEL 32:15

Ynda nga la pynlong kynjah ïa ka Ijipt bad pynjot noh ïa baroh kiba shong ha ka, kin sa tip ba nga long U Trai.

ESEKIEL 32:6

Ngan sa pynmih ïa ka snam jong me haduh ba kan da lyngkien halor ki lumbah bad kan pyndap ïa ki wahduid.

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

ESEKIEL 39:28

Te ki briew jong nga kin tip ba nga long U Trai U Blei jong ki. Kin sa tip ïa kane, namar nga la phah ïa ki sha ka jinglongmraw bad mynta nga lumlang ïa ki bad wallam pat ïa ki sha ka ri jong ki hi, khlem da iehnoh wat uwei na ki shadien.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.

JINGPYNPAW 8:8

Nangta u angel uba ar u la put ïa la ka turoi. Ïa kaei re kaei kaba i kum u lumbah uba khraw uba mehding la bret sha duriaw.