EKSODOS 6:8 - Khasi CL Bible (BSI)

⁸ Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

KA BAIBL

⁸ Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

EKSODOS 6:8 ပူးပေါင်းရင်းမြစ်များ

JENESIS 14:22

U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh.

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 35:12

Ngan ai ha me ïa ka ri kaba nga la ai ha u Abraham bad ha u Isaak, bad ngan ai ïa ka ruh ha ki khun ki ksiew hadien jong me.”

NEHEMAÏAH 9:15

“Haba ki thngan, me ai kpu ïa ki na bneng, bad ka um na u mawsiang haba ki sliang. Me ong ïa ki ban shimti bad pynïaid ïa ka ri kaba me la kular ban ai ha ki.

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 6:2

Te U Blei u la kren ha u Moses bad u la ong, “Nga long U Trai.

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

ESEKIEL 20:15

Kumta nga la pynlong ka jingkular ha ka ri shyiap ba ngan ym rah ïa ki sha ka ri kaba nga la ai ha ki, ka ri kaba tuid da ka dud bad ka ngap, ka ri bakynsai tam na baroh.

ESEKIEL 20:23

Kumta nga la pynlong sa kawei pat ka jingkular ha ka ri shyiap. Nga la smai ba ngan pynsakma ïa ki ha kylleng ka pyrthei.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 20:42

Haba nga wallam pat ïa phi sha Israel, ka ri kaba nga la kular ban ai ha ki kpa tymmen jong phi, te phin sa tip ba nga long U Trai.

ESEKIEL 36:7

Ma nga, U Trai Nongsynshar, nga kular kyntang ba ki jaitbynriew kiba don sawdong kin shah pynpoh.

ESEKIEL 47:14

Nga la kular kyntang ha ki kpa tymmen jong phi bad ngan ai ha ki ïa ka jingïohkynti ïa kane ka ri; mynta, to ïabynta mar ryngkat hapdeng jong phi.

JINGKHEIÑ 10:29

U Moses u ong ha u kynum jong u, u Hobab u khun jong u Jethro, u nong Midian, “Ngi te ngi la khreh ban mihnoh sha kata ka jaka ïa kaba U Trai u la ong ban ai ha ngi. U la kular ban pynmanbha ïa ki Israel, te kumta ale wan bad ngi, bad ngin ïabynta lem ïa ka jingmanbha jong ngi lem bad phi.”

JINGKHEIÑ 11:12

Ngam shym thaw ïa ki lymne pynkha ïa ki! Balei ba me ong ïa nga ba ngan long nongri khun bad rah ïa ki kum ïa ki khunlung shi lynter lynti shaduh ka ri kaba me la kular ha ki kpa tymmen jong ki?

JINGKHEIÑ 14:30

Nga la kular ba ngan shah ïa phi ban shong hangta, hynrei yn ym don uwei ruh na phi u ban ïoh ïa kata, lait tang u Kaleb bad u Joshua.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

DEUTERONOMI 32:40

Kumba nga long U Blei uba im, nga rah la ka kti bad nga smai,

DEUTERONOMI 4:31

U long U Blei uba isynei. Un ym iehnoh lane pynjot ïa phi, bad un ym klet ïa ka jutang kaba u hi u la pynlong bad ki kpa tymmen jong phi.

JOSHUA 24:13

Nga la ai ha phi ïa ka khyndew ha kaba phim shym la trei bad ïa ki nongbah kiba phim shym la tei. Mynta phi shong phi sah hangta bad bam ïa ki sohwaiñ na ki dieng sohwaiñ kiba phim shym thung, bad ki soh Olib na ki dieng kiba phim shym thung.’

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

1 SAMUEL 15:29

U Blei bakhraw jong ki Israel um ju lamler lane kylla la ka jingmut. Um dei u briew — um ju kylla la ka jingmut.”