EKSODOS 6:7 - Khasi CL Bible (BSI)

⁷ Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

KA BAIBL

⁷ ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

EKSODOS 6:7 ပူးပေါင်းရင်းမြစ်များ

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

1 SYIEM 20:28

U nongïathuhlypa u la leit sha u syiem Ahab bad ong, “Kane ka long kaei kaba U Trai u ong: ‘Namar ba ki Syria ki ong ba nga long u blei jong ki lum bad ym jong ki jaka madan, ngan sa ai jingjop ïa phi halor ka kynhun shipai bakhraw jong ki, bad ma phi bad ki briew jong phi kin tip ba nga long U Trai.’ ”

1 SYIEM 8:60

Bad kumta ki jaitbynriew baroh jong ka pyrthei kin tip ba tang U Trai hi u long U Blei — ym don uwei pat.

NEHEMAÏAH 1:10

“Ko Trai, kine ki dei ki shakri jong me, ki briew jong me hi. Me la pyllait ïa ki da ka bor bakhraw bad ka jingkhlaiñ jong me.

SALM 100:3

To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

SALM 81:6

Nga ïohsngew ïa ka sur ba ngam ju tip kaba ong, “Nga la shim noh ïa ki jingkit na ki tyrpeng jong phi; nga shah ïa phi ban buh noh ïa la ki jingkit maw.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 14:18

Ynda nga la jop ïa ki, ki nong Ijipt kin tip ba nga long U Trai.”

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 15:2

U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

EKSODOS 16:12

“Nga la ïohsngew ïa ki jingkhñium jong ki Israel. Ïathuh ïa ki ba ynda la kem ïongreiñ kin sa ïoh ka doh ban bam, bad ha ka por mynstep kin sa ïoh u kpu uba ki kwah. Te kin tip ba ma nga, U Trai nga long U Blei jong ki.”

EKSODOS 16:6

Kumta u Moses bad u Aaron ki la ong ha ki Israel baroh, “Ha kane ka janmiet, phin tip ba dei U Trai uba la wallam ïa phi na ka ri Ijipt.

EKSODOS 2:11

Ha kawei ka sngi, haba u la rangbah, u Moses u leit jngoh ïa la ki para jait, ki Hebru, bad u ïohi kumno la pynbor ïa ki ban trei ïa ki kam kiba shitom sat. U ïohi ruh ïa uwei u nong Ijipt ba u pynïap ïa uwei u Hebru, u para jait jong u Moses hi.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

EKSODOS 7:17

Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

ISAÏAH 41:20

Ki briew kin ïohi ïa kane bad kin tip ba nga, U Trai, nga la leh ïa ka. Kin wan ban tip ba U Blei bakhuid ki Israel u la pynlong ïa ka ban jia.”

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 51:15

“Nga long U Trai U Blei jong phi; nga pynphaloh ïa ka duriaw bad nga pynlong ïa ki jingat phyllung ban kyrhuh. Ka kyrteng jong nga ka long U Trai Badonbor Baroh!

ISAÏAH 60:16

Ki jaitbynriew bad ki syiem kin sumar ïa pha, kumba ka kmie ka sumar ïa la ki khun jong ka. Phan sa tip ba nga U Trai, nga la pyllait ïa pha, ba U Blei Bakhrawbor ki Israel u pyllaitluid ïa pha.

ISAÏAH 63:8

U Trai u ong, “Ki long ki briew jong nga kin ym shukor ïa nga.” Bad kumta u la pyllait im ïa ki na ki jingjynjar jong ki baroh.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

ESEKIEL 20:19

Nga long U Trai U Blei jong phi. To kohnguh ïa ki aiñ bad ki hukum jong nga.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

LEBITIKOS 11:44

Nga long U Trai U Blei jong phi, bad kumta phi dei ban ri khuid ïa lade, namar nga, nga long uba khuid.

LEBITIKOS 11:45

Nga long U Trai uba la ïalam noh ïa phi na Ijipt khnang ba ngan long U Blei jong phi. Phi dei ban long kiba khuid, namar nga long uba khuid.”

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

JINGKHEIÑ 15:41

Nga long U Trai U Blei jong phi; nga la wallam ïa phi na Ijipt ban long U Blei jong phi. Nga long U Trai.”

MATHAÏOS 22:32

‘Nga long U Blei jong u Abraham, U Blei jong u Isaak, bad U Blei jong u Jakob.’ U long U Blei jong kiba im bad ym jong kiba ïap.”

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

DEUTERONOMI 26:18

Mynta ka sngi U Trai u la pdiang ïa phi kum la ki jong ki briew, kumba u la kular ïa phi; bad u hukum ïa phi ban kohnguh ïa ki aiñ jong u baroh.

DEUTERONOMI 29:12

ba phin ïohrung ha kata ka jutang kaba U Trai U Blei jong phi u pynlong bad phi bad ban pdiang ïa ki ktien ba la thoh ha ka,

DEUTERONOMI 29:13

khnang ba U Trai un pynskhem ïa phi mynta kum ki briew jong u bad ba un long U Blei jong phi, kumba u la kular ïa phi bad ïa ki kpa tymmen jong phi, u Abraham, u Isaak, bad u Jakob.

DEUTERONOMI 29:5

Sawphew snem U Trai u la ïalam ïa phi lyngba ka ri shyiap, hynrei ki jaiñkup jong phi kim shym man rim, bad ki juti jong phi kim shym jot.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.