EKSODOS 6:6 - Khasi CL Bible (BSI)

⁶ Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

KA BAIBL

⁶ Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 6:6 ပူးပေါင်းရင်းမြစ်များ

2 SYIEM 17:36

Phi dei ban kohnguh ïa nga, U Trai, uba la wallam ïa phi na Ijipt da ka borbah bad ka jingkhlaiñ; phi dei ban dem khrup ha nga bad ban ai ki jingkñia ïa nga.

1 KHRONIKL 17:21

Ym don kawei pat ka jaitbynriew ha ka pyrthei kum ki Israel, ïa kaba me la pyllait im na ka jinglongmraw ban pynlong ïa ki ka jaitbynriew jong me. Kiei kiei ki bakhraw bad baphylla kiba me la leh na ka bynta jong ki, ki pynphriang ïa ka nam jong me kylleng sawdong ka pyrthei. Me la pyllait im ïa ki briew jong me na Ijipt bad pynher krad ïa kiwei ki jaitbynriew katba ki briew jong me ki nang tur shaphrang.

NEHEMAÏAH 1:10

“Ko Trai, kine ki dei ki shakri jong me, ki briew jong me hi. Me la pyllait ïa ki da ka bor bakhraw bad ka jingkhlaiñ jong me.

SALM 77:16

Haba ki um ki la ïohi ïa me, A Blei, ki la sheptieng, bad ki jingjylliew jong ka duriaw ki khynñiuh.

SALM 81:11

“Hynrei ki briew jong nga kim shym la sngap ïa nga; Ki Israel kim shym la kohnguh ïa nga.

SALM 81:6

Nga ïohsngew ïa ka sur ba ngam ju tip kaba ong, “Nga la shim noh ïa ki jingkit na ki tyrpeng jong phi; nga shah ïa phi ban buh noh ïa la ki jingkit maw.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

EKSODOS 1:11

Kumta ki nong Ijipt ki thung ïa ki nongpyntrei mraw kiba pynsaja ïa ki da kaba pynbor ba kin trei ïa ki kam kiba shitom sat. Ki Israel ki tei ïa ki nongbah Pithom bad Rameses ba kin long ki jaka kynshew jingbam u Pharaoh.

EKSODOS 12:41

Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

EKSODOS 12:51

Ha kata ka sngi U Trai u ïalam noh ïa ki Israel na ka ri Ijipt.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:16

Kane ka jingrakhe ka long ka jingpynkynmaw, kum kaei kaei kaba la teh ha ka kti jong ngi ne ha ka shyllangmat jong ngi; kan pynkynmaw ïa ngi ba U Trai u la ïalam noh ïa ngi na ka ri Ijipt da ka borbah jong u.’ ”

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 15:13

Me bat ïa la ka kular, me la ïalam noh ïa ki briew kiba me la pyllait im; da ka bor jong me, me la btin ïa ki sha ka ri kaba kyntang jong me.

EKSODOS 16:6

Kumta u Moses bad u Aaron ki la ong ha ki Israel baroh, “Ha kane ka janmiet, phin tip ba dei U Trai uba la wallam ïa phi na ka ri Ijipt.

EKSODOS 18:1

U Jethro, u lyngdoh ka Midian, u kthaw kurim u Moses, u ïohsngew ïa kaei kaei baroh kaba U Blei u la leh na ka bynta u Moses bad ki paid Israel mynba u la ïalam noh ïa ki na ka ri Ijipt.

EKSODOS 2:11

Ha kawei ka sngi, haba u la rangbah, u Moses u leit jngoh ïa la ki para jait, ki Hebru, bad u ïohi kumno la pynbor ïa ki ban trei ïa ki kam kiba shitom sat. U ïohi ruh ïa uwei u nong Ijipt ba u pynïap ïa uwei u Hebru, u para jait jong u Moses hi.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 6:2

Te U Blei u la kren ha u Moses bad u la ong, “Nga long U Trai.

EKSODOS 6:29

Ïathuh ha u Pharaoh ïa kaei kaei baroh kaba nga la ong ha me.”

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

ISAÏAH 9:21

Ki briew jong ka Manasseh bad ki briew jong ka Ephraim ki tur ïaleh para ma ki, bad ryngkat lang ki tur ïaleh ïa ka Judah. Pynban la katta ruh, ïa ka jingbitar jong U Trai ym shym pynkut, ka kti jong u ka dang ïai kner ban pynshitom.

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 27:5

“Da ka bor bakhraw bad ka jingkhlaiñ jong nga, nga la thaw ïa ka pyrthei, ïa u khunbynriew, bad ïa baroh ki mrad kiba im ha ka khyndew; bad nga ai ïa ka ha uno uno uba nga jied.

JEREMAÏAH 32:21

Da ki kambah bad ki jingphylla kiba la pynsngewshyrkhei ïa ki nongshun jong ngi, me la pyndonkam ïa ka bor bad ka borbah jong me ban wallam ïa ki briew jong me, ki Israel, na ka ri Ijipt.

ESEKIEL 20:33

“Kumba da shisha ma nga, U Trai Nongsynshar, nga long U Blei uba im, nga maham ïa phi ba ha ka jingbitar jong nga ngan synshar halor jong phi da ka ksang'ti kaba khlaiñ, da ka bor jong nga baroh.

KI KAM 13:17

U Blei jong ki paid Israel u la jied ïa ki kpa tymmen jong ngi bad u la pynlong ka jaitbynriew kaba khraw ïa une u paid ha ka por ba ki la im kum ki nongwei ha ka ri Ijipt. U Blei u la ïalam noh ïa ki na ka ri Ijipt da ka bor bakhraw jong u,

DEUTERONOMI 11:2

Kynmaw mynta ïa kaei kaba phi la tip shaphang U Trai lyngba ki jingïashem jong phi bad u. Dei ma phi, ym ki khun ki kti jong phi kiba la ïohmad ïa kine ki jingïashem. Phi la ïohi ïa ka jingkhraw jong u, ïa ka bor jong u, bad ïa ka jingkhlaiñ jong u, bad ïa ki kambah jong u.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 26:8

Da ka borbah bad ka jingkhlaiñ jong u, u la pyllait ïa ngi na Ijipt. U leh ki kambah bad ki kamphylla, bad u la pynjia ïa kiei kiei kiba sngewtriem.

DEUTERONOMI 4:23

Sumar ban ym klet ïa ka jutang ba U Trai U Blei jong phi u la pynlong bad phi. Kohnguh ïa ka hukum jong u ban ym thaw na ka bynta ïa lade ïa kano kano ka durblei,

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 5:15

Phi dei ban kynmaw ba phi la long ki mraw ha Ijipt, bad ba nga, U Trai U Blei jong phi, nga la pyllait im ïa phi da ka borbah jong nga. Dei namar kata ba nga hukum ïa phi ban rakhe ïa ka Sabbaton.

DEUTERONOMI 6:12

kynmaw ba phin ym klet ïa U Trai uba la pyllait ïa phi na ka ri Ijipt, ha kaba phi la long ki mraw.

DEUTERONOMI 7:19

Kynmaw ruh ïa ki jingtynjuh kiba shyrkhei kiba phi la ïohi, da ki kambah bad ki kamphylla, bad da ka borbah da ka ksang'ti kaba la kner da kaba U Trai U Blei jong phi u la pyllait ïa phi, kumta ruh un pynjot ïa kita ki jaitbynriew baroh ïa kiba phi sheptieng.

DEUTERONOMI 7:8

Hynrei ka long namar ba U Trai u ieit ïa phi bad u bat ïa la ka kular kaba u la ai ha ki kpa tymmen jong phi, bad namar kata u la ïalam noh ïa phi da ka borbah jong u bad u la pyllait na ka jinglongmraw ïa phi na u Pharaoh u syiem ka Ijipt.

DEUTERONOMI 9:29

Nalor baroh, kine ki long ki briew kiba me la jied ban long ki jong me bad kiba me la wallam noh na ka ri Ijipt da ka bor bad ka jingkhlaiñ jong me.’