EKSODOS 6:4 - Khasi CL Bible (BSI)

⁴ Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

KA BAIBL

⁴ Bad nga la pynskhem ruh ïa ka jutang jong nga bad ki, ïa ka ban ai ha ki, ïa ka ri Kanaan, ïa ka ri ki jingleit jong ki keiñ ha kaba ki la long ki nongwei.

EKSODOS 6:4 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 15:13

U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem.

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 17:13

Ïa uwei pa uwei dei ban otsher, bad kane kan long ka dak kaba paw shabar ban pyn-i ba ka jutang jong nga bad me ka long kaba ïaineh junom.

JENESIS 17:4

“Nga pynlong ïa kane ka jutang bad me: Nga kular ba men long u kpa tymmen jong ki jaitbynriew kiba bun.

JENESIS 23:4

“Nga long u nongwei uba im hapdeng jong phi; die ïa nga khyndiat ka jaka ba ngan ïoh ban tep ïa la ka tnga.”

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 6:18

Hynrei ngan pynlong ka jutang bad me. Khie rung shapoh kata ka lieng bad la ka tnga jong me, ki khun shynrang jong me lem bad ki tnga jong ki.

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

SALM 105:11

“Ngan ai ha phi ïa ka ri Kanaan,” u ong. “Kan long ka jingïohkynti jong phi hi.”

SALM 105:12

Ki briew jong U Blei ki long khyndiat ha ka jingbun briew, ki long ki nongwei ha ka ri Kanaan.

EKSODOS 13:4

Phi ïamihnoh na ka ri Ijipt ha kane ka sngi jong u bnai uba nyngkong, u bnai Abib.

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JINGKHEIÑ 10:29

U Moses u ong ha u kynum jong u, u Hobab u khun jong u Jethro, u nong Midian, “Ngi te ngi la khreh ban mihnoh sha kata ka jaka ïa kaba U Trai u la ong ban ai ha ngi. U la kular ban pynmanbha ïa ki Israel, te kumta ale wan bad ngi, bad ngin ïabynta lem ïa ka jingmanbha jong ngi lem bad phi.”

KI KAM 7:5

U Blei, mynkata, um shym la ai ha u Abraham ïa kano kano ka bynta jong ka kum ka jong u hi, ym wat shi mitar sawdong jong ka khyndew, hynrei U Blei u la kular ban ai ïa ka ha u, bad ba kan long ka jong u bad ka jong ki khun ki ksiew jong u. Ha ka por ba U Blei u la pynlong ïa kane ka jingkular, u Abraham um pat don khun.