EKSODOS 6:3 - Khasi CL Bible (BSI)

³ Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

KA BAIBL

³ Te ha u Abraham, ha u Isaak, bad ha u Jakob, nga la mihpaw da ka kyrteng U Blei U Badonbor Baroh, hynrei, da ka kyrteng jong nga ‘JEHOBAH’ kim shym la ithuh ïa nga.

EKSODOS 6:3 ပူးပေါင်းရင်းမြစ်များ

JENESIS 13:18

Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 22:14

U Abraham u khot kyrteng ïa kata ka jaka “U Trai U Pynbiang.” Bad haduh kane ka sngi ruh, ki briew ki dang ong, “Ha u lum jong U Trai u pynbiang.”

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 35:11

Bad U Blei u ong ha u, “Nga long U Blei Badonbor Baroh. To nang ïoh bun ki khun ki kti. Ki jaitbynriew kin hiarpateng na me, bad men long u kpa tymmen jong ki syiem.

JENESIS 48:3

U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga.

SALM 68:4

To rwai ha U Blei, rwai ki jingïaroh ïa ka kyrteng jong u; pynkhreh ka lynti ïa uta uba shong halor jong ki lyoh. Ka kyrteng jong u ka long U Trai — A to lehkmen ha ka jingdon ryngkat jong u!

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

EKSODOS 15:3

U Trai u long u khla-ka-wait; Ka kyrteng jong u ka long U Trai.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

JEREMAÏAH 16:21

“Kumta te,” ong U Trai, “Tang shisien keiñ ngan pynlong ïa ki jaitbynriew ban tip ïa ka bor bad ka jingkhlaiñ jong nga; kin tip ba nga long U Trai.”

JEREMAÏAH 33:2

U Trai, uba la thaw ïa ka pyrthei, uba la pynlong ïa ka bad buh ïa ka ha la ka jaka, u la kren ha nga. Uta uba ka kyrteng jong u ka long U Trai, u la ong,

ESEKIEL 20:5

Ïathuh ïa ki ïa kaei kaba nga ong. Mynba nga la jied ïa ka Israel, nga la pynlong ka jingkular ha ki. Nga la pynpaw ïa lade ha ki ha Ijipt bad ong ïa ki: Nga long U Trai U Blei jong phi.

ESEKIEL 37:13

Haba ngan plie ïa ki jingtep ha kiba la tep ïa ki briew jong nga bad sei noh ïa ki, kin sa tip ba nga long U Trai.

ESEKIEL 37:6

Ngan ai ha phi ïa ki thied bad ki dohksah, bad ngan tap ïa phi da ka sniehdoh. Ngan pyrsad mynsiem ha phi, bad wallam pat ïa phi sha ka jingim. Te phin sa tip ba nga long U Trai.”

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

RUTH 1:20

“Wat khot ïa nga, ka Naomi,” ka jubab; “khot noh ïa nga, ka Marah, namar U Blei Bakhrawbor u la pynlong ïa ka jingim jong nga kaba kthang.