EKSODOS 6:2 - Khasi CL Bible (BSI)

² Te U Blei u la kren ha u Moses bad u la ong, “Nga long U Trai.

KA BAIBL

² Te U Blei u la kren ha u Moses, bad U la ong ha u, “Ma nga, nga long U Jehobah:

EKSODOS 6:2 ပူးပေါင်းရင်းမြစ်များ

JENESIS 15:7

Te U Trai u ong ha u, “Nga long U Trai, uba la wan ïalam ïa me na ka shnong Ur kaba ha ka ri Babilonia, ban ai ha me ïa kane ka ri kum ka jong me hi.”

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 14:18

Ynda nga la jop ïa ki, ki nong Ijipt kin tip ba nga long U Trai.”

EKSODOS 15:3

U Trai u long u khla-ka-wait; Ka kyrteng jong u ka long U Trai.

EKSODOS 17:1

Ka kynhun Israel baroh ka la mihnoh na ka ri shyiap Sin, da kaba ïaid na kawei ka jaka sha kawei pat ka jaka kat kum ka hukum U Trai. Ki la sher dara ha Rephidim, hynrei ym don umdih hangta.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

EKSODOS 6:29

Ïathuh ha u Pharaoh ïa kaei kaei baroh kaba nga la ong ha me.”

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 43:11

“Nga hi marwei nga long U Trai, uba tang marwei uba lah ban pynim ïa phi.

ISAÏAH 43:15

Nga long U Trai, U Blei bakhuid jong phi, nga la thaw ïa phi, ko Israel, bad nga long u Syiem jong phi.”

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

ESEKIEL 20:5

Ïathuh ïa ki ïa kaei kaba nga ong. Mynba nga la jied ïa ka Israel, nga la pynlong ka jingkular ha ki. Nga la pynpaw ïa lade ha ki ha Ijipt bad ong ïa ki: Nga long U Trai U Blei jong phi.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.