EKSODOS 6:12 - Khasi CL Bible (BSI)

¹² Hynrei u Moses u phai ktien, “Wat ki Israel ruh kim shym sngap ïa nga, u Pharaoh lei shano un sngap? Nga dei u briew uba duna ka ktien ka thylliej.”

KA BAIBL

¹² Bad u Moses u la kren ha khmat U Trai, u da ong, “Ha khmih, ki khun Israel kim shym la shahshkor ïa nga; kumno te un sngap u Pharaoh ïa nga uba khlem otsher ki rmiang shyntur?”

EKSODOS 6:12 ပူးပေါင်းရင်းမြစ်များ

EKSODOS 3:11

Hynrei u Moses u ong ha U Blei, “Ngam long ei ei. Kumno nga lah ban leit sha u Pharaoh bad ban ïalam noh ïa ki Israel na Ijipt?”

EKSODOS 3:13

Hynrei u Moses u phai ktien, “Haba nga leit sha ki Israel bad ngan ong ha ki, ‘U Blei jong ki kpa tymmen jong phi u la phah ïa nga sha phi,’ kin sa kylli ïa nga, ‘Kaei ka kyrteng jong u?’ Ngan ong kumno ïa ki?”

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 4:10

Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 6:13

U Trai u la hukum ïa u Moses bad ïa u Aaron; “Ïathuh ha ki Israel bad ha u Pharaoh ba nga la hukum ïa phi ban ïalam noh ïa ki Israel na ka ri Ijipt.”

EKSODOS 6:30

Hynrei u Moses u la jubab, “Me tip ba nga long uba duna ha ka ktien ka thylliej; kumno keiñ u Pharaoh un shahshkor ïa nga?”

EKSODOS 6:9

U Moses u la ïathuh ïa kane ha ki Israel, hynrei kim shym sngap ïa u, namar ka mynsiem jong ki ka la pait la pra na kata ka jinglongmraw basohsat jong ki.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 1:6

Nga jubab, “Ko Trai Nongsynshar, ngam tip kumno ban kren; nga dang khynnah eh.”

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

LEBITIKOS 26:41

bad kiba la pynlong ruh ïa nga ban phai pyrshah ïa ki bad pynsakma ïa ki sha ka jinglongmraw ha ka ri ki nongshun jong ki. Khatduh, ynda ki khun ki ksiew jong phi ki la pyndem rit ïa lade bad ki la shah pynshitom namar ka pop bad ka jingïaleh pyrshah jong ki,

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.