EKSODOS 6:1 - Khasi CL Bible (BSI)

¹ Nangta U Trai u la ong ha u Moses, “Mynta men sa ïohi aïu ngan leh ïa u Pharaoh. Ngan pynbor ïa u ban shah ïa ki briew jong nga ban leit. Ha ka jingshisha, ngan pynbor ïa u ban beh noh ïa ki na ka ri jong u.”

KA BAIBL

¹ Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 6:1 ပူးပေါင်းရင်းမြစ်များ

2 SYIEM 7:19

ha kaba u rangbah pynïaidkam u la jubab, “Kata kam lah ban jia — em wat lada U Trai da lade hi un phah shisien phah ïa u kew!” Bad u Elisha u la jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

2 SYIEM 7:2

U nongbud ba-hajan jong u syiem u la ong ha u Elisha, “Kata kam lah ban jia — em wat lada U Trai da lade hi un phah shisien phah ïa u kew!” U Elisha u jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 12:6

Ki jingkular jong U Trai ki long kiba lah ban shaniah; ki long kiba shisha kum ka rupa ba la phrang hynñiew sien ha ka shlem.

SALM 136:12

da ka kti bakhlaiñ jong u, ka ksang'ti badonbor jong u; ka jingieit jong u ka neh bymjukut.

SALM 89:13

A katno uba donbor me long! A katno kaba khraw ka long ka jingkhlaiñ jong me!

EKSODOS 11:1

Nangta U Trai u ong ha u Moses, “Ngan phah sa tang kawei ka jingpynshitom ha u Pharaoh bad ki briew jong u. Hadien kata, un sa shah ba phin ïamihnoh. Ha ka jingshisha, un sa beh lut ïa phi nangne.

EKSODOS 12:31

Ha kata kajuh ka miet, u Pharaoh u la phah khot mar mar ïa u Moses bad u Aaron, bad u ong, “Khie mihnoh na ka ri jong nga, ma phi bad ki Israel! Khie leit bad mane ïa U Trai kumba phi la pan.

EKSODOS 12:33

Kita ki nong Ijipt ki la kyrpad jur ïa ki Israel ban pynstet bad mihnoh na kata ka ri. “Ngin sa ïap lut lada phim leit noh,” ki ong.

EKSODOS 12:39

Ki shet ïa u kpu bakhlem thiat na uta u kpu im ba ki wanrah na Ijipt, naba ki la shah beh kynsan na ka ri Ijipt ba kim ïoh por ban da khreh jingbam lane ban pynkhreh ïa u kpu im.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:16

Kane ka jingrakhe ka long ka jingpynkynmaw, kum kaei kaei kaba la teh ha ka kti jong ngi ne ha ka shyllangmat jong ngi; kan pynkynmaw ïa ngi ba U Trai u la ïalam noh ïa ngi na ka ri Ijipt da ka borbah jong u.’ ”

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 13:9

Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 15:6

“Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

JINGKHEIÑ 11:23

“Hato don u pud ïa ka bor jong nga?” U Trai u jubab. “Men sa ïohi shen la kata kaba nga la ong kan urlong ne em!”

JINGKHEIÑ 23:23

Ym don myntor, ym don jingleh byrtong, Kaba lah ban pyndonkam pyrshah ïa ka jaitbynriew Israel. Mynta ki briew kin ïakren shaphang ki Israel, ‘Khmih aïu U Blei u la leh!’

KI KAM 13:17

U Blei jong ki paid Israel u la jied ïa ki kpa tymmen jong ngi bad u la pynlong ka jaitbynriew kaba khraw ïa une u paid ha ka por ba ki la im kum ki nongwei ha ka ri Ijipt. U Blei u la ïalam noh ïa ki na ka ri Ijipt da ka bor bakhraw jong u,

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.