EKSODOS 5:4 - Khasi CL Bible (BSI)

⁴ Hynrei u Pharaoh u la ong ha u Moses bad u Aaron, “Phi mut kumno da kaba pynlong ïa ki briew ban leh klet ïa la ki kam? Ong ïa ki ban leit sha la ki kam ki kam!

KA BAIBL

⁴ Te uta u syiem ka ri Ijipt u la ong ha ki, “Na ka balei ma phi, u Moses bad u Aaron, phi pynpep ïa ki briew na ka jingtrei jong ki? khie leit phi sha la ki jingkit.”

EKSODOS 5:4 ပူးပေါင်းရင်းမြစ်များ

EKSODOS 1:11

Kumta ki nong Ijipt ki thung ïa ki nongpyntrei mraw kiba pynsaja ïa ki da kaba pynbor ba kin trei ïa ki kam kiba shitom sat. Ki Israel ki tei ïa ki nongbah Pithom bad Rameses ba kin long ki jaka kynshew jingbam u Pharaoh.

EKSODOS 2:11

Ha kawei ka sngi, haba u la rangbah, u Moses u leit jngoh ïa la ki para jait, ki Hebru, bad u ïohi kumno la pynbor ïa ki ban trei ïa ki kam kiba shitom sat. U ïohi ruh ïa uwei u nong Ijipt ba u pynïap ïa uwei u Hebru, u para jait jong u Moses hi.

EKSODOS 6:5

Mynta nga la ïohsngew ïa ka jingud jong ki Israel, ïa kiba ki nong Ijipt ki la teh mraw, bad nga la kynmaw ïa la ka jutang.

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

AMOS 7:10

Amasaïah, u lyngdoh ka Bethel, u la phah ka khubor sha u Jeroboam u syiem ka Israel: “U Amos u la ïasylla pyrshah ïa phi hapdeng ki briew. Ki jingkren jong u kin pynjot ïa ka ri.

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

KI KAM 24:5

Ngi la shem ïa une u briew ba u long ka jingpynwit kaba shyrkhei; u sdang ïa ka jingkhihwin hapdeng ki Jiw ha kylleng jong ka pyrthei bad u long u nongïalam jong ka kynhun kaba na Nasareth.