EKSODOS 5:3 - Khasi CL Bible (BSI)

³ U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

KA BAIBL

³ Ki te ki la ïathuh, “U Blei jong ki Hebru u la ïashem bad ngi: to shah ba ngin leit, ngi kyrpad ïa me, lai sngi lynti sha kata ka ri khlaw, ba ngin ïoh kñia ainguh ha U Trai uba U Blei jong ngi; ïoh ba un pynhap halor jong ngi da ka jingïapthem, lane da ka waitlam.”

EKSODOS 5:3 ပူးပေါင်းရင်းမြစ်များ

2 SYIEM 17:25

Haba ki dang leit sdang ban shong hangta, kim shym la mane ïa U Trai, bad kumta u phah ïa ki sing, kiba pynïap katto katne na ki.

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

ESRA 7:23

Phi dei ban peit bha ban pynbiang ïa kaei kaei baroh kaba U Blei jong ka Bneng u donkam na ka bynta ka Templ jong u, bad ban pynthikna un ym bitar ïa nga lane ïa kito ki ban synshar hadien jong nga.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 7:16

Nangta ong ha u Pharaoh, ‘U Trai, U Blei jong ki Hebru, u la phah ïa nga ban ong ha phi ba phin shah ïa ki briew jong u ban leit, khnang ba kin ïoh ban mane ïa u ha ri shyiap. Hynrei haduh mynta phim shym shahshkor.

EKSODOS 8:1

Nangta U Trai u la ong ha u Moses, “Khie leit sha u Pharaoh bad ïathuh ha u ba U Trai u ong, ‘Shah ïa ki briew jong nga ban leit, khnang ba ki lah ban mane ïa nga.

EKSODOS 8:20

U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

EKSODOS 8:27

Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”

ESEKIEL 6:11

U Trai Nongsynshar u la ong, “Khyrwait ïa la ki kti! kyrdem ïa la ki kjat! kyang da ka jingsngewsih namar ki jingsniew baroh, kiei kiei kiba ijli kiba ki Israel ki la leh. Kin ïap ha ka thma, da ka 'nemsniew bad da ka jingpang.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

DEUTERONOMI 28:21

Un phah ha phi ïa ka jingpang kawei hadien kawei haduh ba yn ym don shuh uwei ruh na phi u ban lait im ha kata ka ri kaba phin sa ïohkynti.