EKSODOS 5:22 - Khasi CL Bible (BSI)

²² Nangta u Moses u la phai biang sha U Trai bad u la ong, “A Trai, balei me lehbeiñ sat ïa la ki briew? Balei me phah ïa nga shane?

KA BAIBL

²² Te u Moses u la leit phai pat sha U Trai, bad u la ong, “A Trai, na ka balei ba me la pynsniew ïa une u paidbah? balei ba me la phah ïa nga?

EKSODOS 5:22 ပူးပေါင်းရင်းမြစ်များ

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 19:4

U Elijah u ïaid baroh shi sngi ha ka ri khlaw. U la sangeh bad shong ha ka jingkah syrngiew u dieng bad u kwah tang ban ïap noh. “Ka la long palat, ko Trai,” u la duwai. “Shim noh ïa ka jingim jong nga; ka bha ïa nga ban ïap noh.”

SALM 73:25

Nga don ïano pat ha bneng lait na me? Namar ba nga don ïa me, sa kaei pat nga dang kwah ha ka pyrthei?

EKSODOS 17:4

U Moses u la duwai jur ha U Trai, bad u ong, “Aïu nga lah ban leh bad kine ki briew? Mynta ki khreh sa ban lynthem maw ïa nga!”

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 20:7

A Trai me la shukor ïa nga, bad ïa nga la shukor. Me long uba kham khlaiñ ban ïa nga, bad me la jop ïa nga. Uwei pa uwei u rkhiebeiñ ïa nga; ki krenbeiñ ïa nga baroh shi sngi.

JEREMAÏAH 4:10

Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

JINGKHEIÑ 11:11

bad u la ong ha U Trai, “Balei keiñ ba me la pynjynjar sat ïa nga katne katne? Balei ba mem sngewbha ïa nga? Balei ba me la ai ha nga ka jingkitkhlieh ïa kine ki paidbah baroh?

JOSHUA 7:7

Bad u Joshua u ong, “A Trai Nongsynshar! Balei me wan ïalam ïa ngi sha shiliang ka Jordan? Hato ban aiti noh ïa ngi ha ki nong Amor? Hato ban pynjot ïa ngi? Balei ngim shu shongsah sha kawei pat ka liang jong ka Jordan!

1 SAMUEL 30:6

U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.