EKSODOS 5:21 - Khasi CL Bible (BSI)

²¹ Ki la ong ha u Moses bad u Aaron, “U Trai u la ïohi ïa kaei kaba phi la leh, bad un pynshitom ïa phi namar ba phi pynlong ïa u Pharaoh bad ïa ki rangbah pynïaidkam jong u ban isih ïa ngi. Phi la ai daw ïa ki ban pynïap ïa ngi.”

KA BAIBL

²¹ bad ki la ong ha ki, “To U Trai un khmih ha phi, bad un bishar de; namar phi la pynlong ïa ngi ban iwkhong ha khmat u Pharaoh, bad ha khmat ki shakri jong u, ba phi la ai ka waitlam ha ka kti jong ki ban pynïap ïa ngi.”

EKSODOS 5:21 ပူးပေါင်းရင်းမြစ်များ

JENESIS 16:5

Te ka Sarai ka ong ha u Abram, “Dei namar jong me ba ka Hagar ka ibeiñ ïa nga! Nga hi nga la ai ïa ka ha me, bad naduh ba ka tip ba ka la punkhun, ka ibeiñ ïa nga. Ai ba U Trai un bishar mano ba dei napdeng jong ngi, ma me lane ma nga!”

JENESIS 31:53

U Blei jong u Abraham bad U Blei jong u Nahor un bishar hapdeng jong ngi.” Kumta, ha ka kyrteng U Blei ïa uba u Isaak u kpa jong u, u la mane, u Jakob u la smai da kaba sngew kyntang ban bat ïa kane ka kular.

JENESIS 34:30

Nangta u Jakob u ong ha u Simeon bad ha u Lebi, “Phi la pynjynjar ïa nga; ki Kanaan bad ki Peris, bad kat kiba don ha kane ka ri, mynta kin sa shun ïa nga. Ngam dei uba bun paid; lada ki ïa-tylli lang kawei pyrshah ïa nga, bad ki ïaleh ïa nga, ma nga bad ka ïing jong nga baroh ngin sa shah pynjot.”

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

1 KHRONIKL 19:6

U syiem Hanun bad ki Ammon ki sngewthuh ba ki la pynlong ïa u Dabid u nongshun jong ki, kumta ki siew laiphew saw hajar kilo ka rupa ban wai ki kali ïapom bad ki nongñiah kali ïapom na ka Mesopotamia bashaneng bad na ki jylla Syria jong ka Maakah bad Sobah.

EKSODOS 14:11

Ki la ong ha u Moses, “Hato ym don jingtep mo ha Ijipt? Hato phin hap wan ïalam ïa ngi hangne ha ri shyiap ban ïap? Peit aïu phi la leh ïa ngi da kaba phi wan ïalam noh ïa ngi na ka ri Ijipt!

EKSODOS 15:24

Kita ki paidbah ki la ïakhñium ïa u Moses, bad ki la kylli, “Ngin ïadih da-ei?”

EKSODOS 16:2

Hangta ha ka ri shyiap baroh ki la ïakhñium ïa u Moses bad u Aaron bad ki la ong ha ki,

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 5:20

Haba ki dang mihnoh, ki ïakynduh ïa u Moses bad u Aaron, kiba ap ïa ki.

EKSODOS 6:9

U Moses u la ïathuh ïa kane ha ki Israel, hynrei kim shym sngap ïa u, namar ka mynsiem jong ki ka la pait la pra na kata ka jinglongmraw basohsat jong ki.

EKLESIASTIS 10:1

Ki skain kiba ïap ki lah ban pyniwtung ïa baroh ka jingiwbih hapoh ka dabi, bad tang khyndiat ka jingmutlop ka lah ban pynduh ïa ka jingstad kaba khraw tam.

ISAÏAH 30:6

Kane ka dei ka khubor jong U Blei shaphang ki mrad jong ka ri shyiap bashathie: “Ki nongkit 'tiensyiem ki ïaid lyngba ka ri bashyrkhei, ha kaba ki sing ki don bad ha kaba ki bseiñ kiba don bih bad ki Ïakjakor kiba her. Ki pynkit halor ki kada bad ki ut jong ki da ki jingai sngewbha baremdor na ka bynta ka hima ka bym lah ban ai ïa ki kano kano ka jingïarap.

JOEL 2:20

Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

JINGKHEIÑ 14:22

yn ym don uwei ruh na kine ki briew ki ban im ban ïohrung sha kata ka ri. Ki la ïohi ïa ka jingshai batyngshaiñ na ka jingdon ryngkat jong nga, bad ïa ki kambah ba nga la leh ha Ijipt bad ha ka ri khlaw, hynrei ki la tynjuh ïa ka jingïaishah jong nga la bunsien bad ki la kyntait ban kohnguh ïa nga.

JINGKHEIÑ 14:3

Balei keiñ U Trai u ïalam ïa ngi sha kata ka ri? Ngin shah pynïap ha ka thma, bad ki tnga jong ngi lem bad ki khun ki kti kin shah kem. Hato kam long kaba kham bha ba ngin ïaleit phai pat sha Ijipt?”

1 SAMUEL 13:4

La ïathuh ha baroh ki Israel ba u Saul u la pynïap ïa u rangbah ai hukum jong ki Philistia bad ba ki Philistia ki la isih ïa ki. Kumta ki paidbah ki jubab ïa ka jingkhot ban ïasoh bad u Saul ha Gilgal.

1 SAMUEL 27:12

Hynrei u Akhish u shaniah ïa u Dabid, u da ong ha lade, “U la long uba la isih haduh katta katta da ki briew jong u hi ki Israel ba kumta un hap long u shakri ïa nga baroh shi rta.”