EKSODOS 5:2 - Khasi CL Bible (BSI)

² “Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

KA BAIBL

² Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

EKSODOS 5:2 ပူးပေါင်းရင်းမြစ်များ

2 SYIEM 18:35

Mynno na kine ki blei jong ki ri baroh kiba la ju pyllait im ïa ki ri jong ki na u patsha jong ngi? Te kaei kaba pynlong ïa phi ban pyrkhat ba U Trai un pyllait im ïa ka Jerusalem?”

2 KHRONIKL 32:14

Mynno napdeng ki blei jong kito ki ri baroh, kiba lah ban pyllait ïa la ka ri na ngi? Te kaei kaba pynlong ïa phi ban pyrkhat ba U Blei jong phi un pynim ïa phi?

2 KHRONIKL 32:15

Mynta wat ai ba u Hesekaïah un shukor ïa phi lane ïalam bakla ïa phi kumta. Wat ngeit ïa u! Ym don blei jong kano kano ka hima uba la lah ban pyllait ïa la ki briew na uno uno u patsha ka Assyria. Kumta da kaba thikna une U Blei jong phi un ym lah ban pyllait im ïa phi!”

2 KHRONIKL 32:19

Ki ïakren shaphang U Blei ka Jerusalem kumba ki ïakren shaphang ki blei jong kiwei pat ki jaitbynriew, ki bleithaw ba la shna da ki kti ki briew.

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

Ka Kitab U Job 15:25

Kata ka long ka kupar jong u briew uba pynkhih ïa la ki ksang'ti sha U Blei bad uba beiñ pyrshah ïa U Badonbor Baroh.

Ka Kitab U Job 15:26

Uta u briew u long uba sarong bad uba ïaleh pyrshah; u bat ïa la ka stieh ha ka jingmutlop bad u tur ban ïaleh pyrshah ïa U Blei.

Ka Kitab U Job 21:15

Ki pyrkhat bymdonkam ban shakri ïa U Blei lane ban don kano kano ka jingmyntoi ban duwai ha u.

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 12:4

“Da ki kyntien jong ngi, ngi ïoh ïa kaei kaba ngi kwah. Ngin kren ïa kaei kaba ngi mon, bad ym don mano mano ba lah ban pynsangeh ïa ngi.”

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 14:1

Kiba bieit ki ong ha lade, “Ym don Blei.” Ki baroh ki long kiba jakhlia, bad ki la leh ïa kiei kiei kiba shyrkhei; Ym don uwei ruh uba leh ïa kaba dei.

EKSODOS 3:19

Nga tip ba u Pharaoh un ym shah ïa phi ban leit lymda la pynbor ïa u ban leh kumta.

EKSODOS 7:17

Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

JEREMAÏAH 42:13

“Hynrei ma phi ki paidbah kiba dang sah ha Judah phim dei ban ym kohnguh ïa U Trai U Blei jong phi bad kyntait ban shong ha kane ka ri. Phim dei ban ong, ‘Em, ngin leit ban shong ha Ijipt, ha kaba ngin ym ïakynduh shuh ïa ka thma lane ban ïohsngew ïa ka jingkhot ban leit thma ne shahthngan.’ Lada phi ong ïa kane, te U Trai U Blei Badonbor Baroh, U Blei ki Israel, u ong,

JEREMAÏAH 48:26

U Trai u ong, “To pynbuaid ïa ka Moab, namar ka la ïaleh pyrshah ïa nga. Ka Moab kan syntuid ha la ka prie, bad ki briew kin rkhie.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

ÏOANNIS 16:3

Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

NONGBISHAR 2:10

Kata ka pateng bynriew baroh ka la ïap, bad ka pateng bynriew kaba bud ka la klet ïa U Trai bad ïa kaei kaba u la leh na ka bynta ki Israel.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai

1 SAMUEL 25:10

Nangta ki la ap hangta, bad u Nabal ha kaba khatduh u la jubab, “U Dabid? Uei uta? Ngam pat ju ïohsngew ïa u! Ha kine ki sngi ka ri ka dap da ki mraw kiba phet na la ki kynrad!